Андреј Ѓорѓиески еден од двајцата пејачи на популарната македонска музичка група ДНК е меѓу загинатите во пожарот во дискотеката „Пулс“ во Кочани, кој избувна утринава пред 3 часот.
Од него на социјалните мрежи веќе се простуваат многу колеги од естрадата, а меѓу нив се приклучи и Македонскиот народен театар (МНТ).
Во меѓувреме, од општина Штип официјално потврдија дека во несреќата во дискотеката „Пулс“ загинати се пет лица од градот, од кои три деца.
Прочитај повеќе
Најтешко повредените од пожарот ќе бидат пренесени во странство
Помош за лекување понудија Србија, Бугарија, Грција и други земји.
пред 5 часа
Жртвите во пожарот биле на возраст меѓу 14 и 25 години
Загинатите во пожарот во дискотеката синоќа во Кочани се од Скопје, Штип, Пробиштип и од Кочани и блиските општини.
пред 5 часа
Владата ќе прогласи седумдневна жалост поради трагедијата во Кочани
Ќе се донесе и заклучок за итна и вонредна инспекција на сите ноќни клубови.
пред 6 часа
Тошковски: Распишани четири потерници
Починати се вкупно 59 лица, од кои 35 се идентификувани, соопшти министерот за внатрешни работи.
пред 6 часа
Како што изјави градоначалникот на Штип, Иван Јорданов, двајцата возрасни се директорот на Центарот за култура, Филип Стевановски и вработен во основното училиште „Ванчо Прќе“ кои свиреле во бендот ДНК.
Покрај нив двајца, потврдена е смртта и на Сара Пројковска, придружен вокал во бендот, за чија смрт објави Факултетот за музичка уметност во Скопје.
Потврдена е и смртта на фудбалерот на скопскиот фудбалски клуб „Шкупи“, Андреј Лазаров.
„Иако претходно имавме информации од членовите на неговото семејство дека е добро, со длабока болка и голема тага, соопштуваме дека нашиот фудбалер Андреј Лазаров е потврден меѓу настраданите во трагичниот пожар што синоќа се случи во Кочани.
Тој имаше херојски дух и го загуби животот обидувајќи се да им помогне на другите да побегнат од пожарот. Беше задушен од чад при обидите да спаси животи, покажувајќи храброст и хуманост до последен момент“, се наведува во официјалното соопштение на фудбалскиот клуб.
Во трагедијата во кочанската дискотека, меѓу загинатите е и Александар Ефремов, талентиран, млад фотограф од Штип, кој ги следел настапите на групата ДНК низ Македонија.
Во синоќешниот пожар во Кочани, според последните информации што ги објави МВР, починале 59 лица, а 155 се повредени. Пожарот избувна за време на концерт на бендот ДНК предизвикан од пиротехнички средства кои биле дел од сценографијата на настапот.
Животот го загубил и полицаец од Пробиштип, кој бил на должност, работејќи на сузбивање на нелегална трговија со дрога и присуство на малолетници во клубот.
За четири лица беше распишана централна потерница, а досега извршени се разговори со десет хоспитализирани лица, како и со еден од членовите на групата ДНК.
Ажурирано со потврда за смртта на пејачот на бендот ДНК, Андреј Ѓорѓиески
.webp){kind=icon}
