Бројот на загинати во Мјанмар по вчерашниот голем земјотрес со интензитет од 7,7 степени по Рихтеровата скала се искачи на 1.002 лица, додека 2376 се повредени, а 30 се водат како исчезнати, објавија денеска државните медиуми.
„Оштетени се инфраструктурни објекти како патишта, мостови и згради, што резултираше со цивилни жртви и повредени. Во тек се операции за пребарување и спасување во погодените области“, се наведува во соопштението на хунтата.
Bloomberg Mercury
Водачот на хунтата, Мин Аунг Хлаинг, нареди итни спасувачки напори во погодените области. Вчера тој ја покани „која било земја“ да обезбеди помош и донации.
Кинески спасувачки тим денеска пристигна во Мјанмар, додека Русија и САД понудија помош во катастрофата, при што се оштетени стотици згради во соседен Тајланд.
Според симулацијата на Геолошкиот институт на САД, бројот на загинати може да надмине 10.000 луѓе во Мјанмар, а загубите би можеле да бидат поголеми од вредноста на бруто домашниот производ на земјата.
.webp){kind=icon}
Во моментов нема коментари за веста. Биди прв да коментира...