Европската Унија (ЕУ) е подготвена да прифати трговски договор со САД, кој подразбира универзална царина од 10 проценти на голем број извозни производи од блокот, но ќе бара и одредени исклучоци, објави „Блумберг“ во вторникот. Истовремено, американскиот претседател Доналд Трамп се закани дека ќе продолжи со зголемување на царините кон Јапонија, додека неговиот главен економски советник изјави дека Белата куќа има цел да ги финализира договорите со партнерите по празникот на 4 јули. Најновата рунда на опасно надмудрување на Трамп со Токио во понеделникот доаѓа нешто повеќе од една недела пред рокот – 9 јули – за продолжување на примената на повисоки царини за десетици трговски партнери, вклучувајќи ја и Јапонија.
ПОЛИТИКА
ЕУ на ниски стартни позиции
ЕУ ќе прифати трговски договор со САД и универзална царина од 10 проценти на голем број извозни производи од блокот, но истовремено бара одредени исклучоци – тоа подразбира обврзување на САД на пониски царински стапки во клучни сектори, како што се фармацевтски производи, алкохол, полупроводници и комерцијални авиони.
ЕУ исто така врши притисок врз САД за квоти и исклучоци што би ја намалиле вашингтонската царина од 25 проценти на автомобили и делови за автомобили, како и царината од 50 проценти на челик и алуминиум, според упатени извори. Европската комисија (ЕК), која ги води трговските прашања за ЕУ, го гледа овој договор како нешто што донекаде ги фаворизира САД, но и како нешто што би можело да се прифати, велат анонимни извори.
Да потсетиме, ЕУ има рок до 9 јули да склучи трговски договор со американскиот претседател, пред царините на речиси целиот европски извоз во Америка да скокнат на 50 проценти.
ЕКОНОМИЈА
ЕЦБ ја претстави новата стратегија
„Европската централна банка ја претстави ажурираната монетарна стратегија, која ќе им овозможи на официјалните лица подобра комуникација во сè понеизвесното опкружување“, изјави Кристин Лагард, претседателка на ЕЦБ. Новата стратегија е одговор на постпандемискиот скок на инфлацијата, кој ја изненади банката, и ќе вклучува мерење на „двострани“ ризици за инфлаторните изгледи.
БИЗНИС
На корпоративен план, „Епл“ (Apple) ја истражува можноста за користење на технологијата за вештачка интелигенција (ВИ) на компаниите „Антропик“ (Anthropic) или „Опен еј-ај“ (OpenAI), во обид да го подобри својот дигитален асистент Сири. Имено, „Епл“ веќе стапил во контакт со двете компании за користење на нивните големи јазични модели и ги замолил да ги обучуваат своите модели за да можат да работат на инфраструктурата во облак на „Епл“, тврдат извори запознаени со ситуацијата.
БЕРЗИ
Европа
Фјучерсите на европските акции утрово се тргуваа мешано, во пресрет на објавувањето на прелиминарните податоци за инфлацијата во еврозоната за јуни. Економистите на „Блумберг“ очекуваат дека годишната инфлација минатиот месец се зголемила на два процента во однос на 1,9 проценти во мај.
САД
Од другата страна на Атлантикот, фјучерсите на американските индекси се тргуваат со загуби, бидејќи сè уште постои неизвесност околу царинската политика на Доналд Трамп. Инвеститорите се загрижени и поради предложениот законски пакет на Трамп вреден 3,3 трилиони долари, кој вклучува нови намалувања на даноците, зголемување на воените трошоци и ново задолжување. Во фокусот на инвеститорите е и монетарната политика на Фед, кои, според очекувањата на „Блекрок“ (BlackRock), годинава двапати ќе ги намалат каматните стапки.
Азија
Повеќето акции во азиско-пацифичкиот регион се тргуваат во зелено, а по добивките предничат Јужна Кореја и Тајван.
.webp){kind=icon}
Во моментов нема коментари за веста. Биди прв да коментира...