Американскиот претседател Доналд Трамп се закани дека ќе воведе нови царини и ограничувања на извозот на напредни технологии и чипови, како одмазда за даноците на дигиталните услуги што другите земји им ги наметнале на американските технолошки компании. Трамп објави на социјалните мрежи дека целта на сите тие земји е „да ја оштетат или дискриминираат американската технологија“ и „да им овозможат целосна предност на најголемите кинески технолошки компании“. „Ова мора да престане, и тоа НЕМА да чека!“, напиша Трамп, без да именува некоја земја.
ПОЛИТИКА
Зошто Путин не сака средба со Зеленски
Трамп исто така изјави дека во последните денови разговарал со рускиот претседател Владимир Путин и дека заклучил оти рускиот лидер не го сака украинскиот претседател Володимир Зеленски, што, според него, го спречува состанокот на двајцата лидери. Заглавувањето околу состанокот меѓу Путин и Зеленски е најновиот удар на Трамп во неговите напори да ја заврши руската инвазија на Украина, која сега е во својата четврта година. Дипломатијата на Трамп со двата лидера месецов го отвори прашањето за првите лични разговори од почетокот на конфликтот, но тие надежи се угасени бидејќи Путин ја одложи средбата со Зеленски.
БЕРЗИ
Европа
Фјучерсите на европските акции утрово се тргуваат со загуби. Потсетуваме, европските берзи и во понеделникот го завршија тргувањето во црвено, без разлика на претходниот оптимизам во врска со потенцијалното олеснување на монетарната политика во САД.
САД
Од другата страна на Атлантикот, и фјучерсите за американските индекси се тргуваат со загуби, откако американскиот претседател Доналд Трамп презеде дополнителни акции за смена на гувернерката на Фед, Лиза Кук. Така индексот Bloomberg Dollar Spot ослабе за 0,3 отсто, откако Трамп на својата социјална мрежа објави дека Кук ќе биде сменета веднаш. Златото, кое во еден момент порасна дури за 0,6 проценти, ги намали добивките нешто подоцна, откако Кук изјави дека Трамп нема овластување да ја отпушти и дека таа нема да поднесе оставка. Значи, на американските пазари исчезна оптимизмот што беше присутен на крајот на минатата недела, кога претседателот на Фед, Џером Пауел, отвори можност за потенцијално намалување на каматните стапки на септемвриската седница.
Азија
Во исто време акциите во азиско-пацифичкиот регион се тргуваат претежно во црвено. Единствено со добивки се тргуваат акциите во континенталната Кина, каде што индексот Shanghai Composite порасна за 0,1 отсто.
.webp){kind=icon}
