Додека американскиот претседател го обвинува својот кинески колега за заговор, во Пекинг се одржува историска воена парада. Истовремено, пазарите ги тресе светската распродажба на обврзници, акциите осцилираат, а технолошкиот гигант „Гугл“ се соочува со судски предизвици што би можеле да го променат дигиталниот пејзаж.
ПОЛИТИКА
Трамп го обвини Шји дека „кова заговор против САД“
Тензиите меѓу САД и Кина повторно растат.
„Испрати ги моите најтопли поздрави до Владимир Путин и Ким Џонг-ун, додека ковате заговор против САД“, му порача американскиот претседател Доналд Трамп на кинескиот лидер Шји Џјинпинг на социјалната мрежа Трут (Truth Social).
Објавата доаѓа во момент кога во Пекинг се одржува воена парада на која првпат јавно се собраа лидерите на Кина, Русија и Северна Кореја. Овој потег ја покажува нивната подготвеност да му се спротивстават на светскиот поредок предводен од САД. Дополнително, кинескиот претседател вети дека ќе ја забрза изградбата на „војска од светска класа“ и „цврсто ќе ги чува суверенитетот и територијалниот интегритет“.
Глобална распродажба на обврзници
Цената на американските државни обврзници падна заедно со европските. Приносот на триесетгодишните хартии од вредност се движи кон нивото од пет проценти. Приносите на британските обврзници со иста рочност достигнаа највисоко ниво од 1998 година, додека приносите на дваесетгодишните јапонски обврзници пораснаа на највисоко ниво од 1999 година.
Распродажбата е поттикната од загриженоста на трговците за глобалната инфлација, долгот и фискалната дисциплина.
БЕРЗИ
Европа
Европските фјучерси се тргуваат мешано, додека трговците се фокусираат на глобалната распродажба на обврзници.
EURUSD:CUR
EUR-USD X-RATE
1,163 USD
-0,0010 -0,09%
почетна цена
1,164
претходна цена на затворање
1,164
промена од почетокот на годината
12,3527%
дневен опсег
1,16 - 1,16
опсег на 52 недели
1,01 - 1,18
Распродажбата започна вчера на европските берзи поради загриженоста околу големата државна потрошувачка.
САД
Од другата страна на океанот, фјучерсите на американските индекси се претежно во зелено, додека трговците го анализираат соопштението на американскиот претседател дека ќе побара од Врховниот суд да ја поништи одлуката за незаконитост на неговите царини.
Bloomberg
„Пазарот на акции е во пад затоа што му требаат царини“, порача претседателот. Да потсетиме, американскиот федерален апелациски суд пресуди дека глобалните царини на Трамп се незаконски.
Азија
Кога станува збор за акциите во азиско-пацифичкиот регион, тие се во црвено.
Акциите во Јапонија губат над еден процент, додека јенот ослабна за една третина од процент, откако генералниот секретар на Либерално-демократската партија на Јапонија порача дека ќе се повлече од таа позиција доколку премиерот Шигеру Ишиба го одобри тоа.
КОМПАНИИ
„Гугл“ нема да мора да го продаде Хром
„Гугл“ (Google) ќе мора да ги споделува податоците од онлајн пребарувањето со конкурентите доколку сака да избегне построги казни, вклучувајќи и присилна продажба на својот пребарувач Хром (Chrome).
Bloomberg
Судијата соопшти дека „Гугл“ повеќе нема да смее да бара од производителите на уреди да ги имаат сите негови апликации за да добијат пристап до продавницата Гугл плеј (Google Play) на андроид-уредите. Од друга страна, на компанијата ќе ѝ биде дозволено да им плаќа на своите партнери за позиционирање на пребарувачот.
Да потсетиме, ова е најголемиот антимонополски судски случај во САД во речиси три децении.
.webp){kind=icon}
Во моментов нема коментари за веста. Биди прв да коментира...