Апелацискиот суд на САД го блокираше обидот на претседателот Доналд Трамп да ја смени гувернерката на Федералните резерви, Лиза Кук, од нејзината позиција. Судот во Вашингтон го потврди правото на Кук да продолжи да работи, додека нејзината тужба со која се оспорува одлуката на Трамп останува во сила.
Додека Кук се бори да остане на својата позиција, економскиот советник на Трамп, Стивен Миран, треба да му се приклучи на Одборот на Федералните резерви откако Сенатот ја одобри неговата позиција со гласање во понеделникот вечер. Тој ќе ја замени поранешната гувернерка на Федералните резерви, Адријана Куглер.
ПОЛИТИКА
Трамп в петок ќе разговара со Шји
Американскиот претседател Доналд Трамп изјави дека в петок ќе разговара со кинескиот лидер Шји Џјинпинг, откако американските и кинеските претставници постигнаа прелиминарен договор за продолжување на работењето на Тикток во САД. Ова ќе биде првата директна средба меѓу Трамп и Шји од јуни, според „Блумберг“. Американскиот министер за финансии Скот Бесент претходно посочи дека е постигнат прелиминарен договор за продолжување на работењето на Тикток во САД и дека Трамп и Шји ќе разговараат за финализирање на договорот. Сепак, условите на договорот остануваат нејасни, според „Блумберг“. Новинарката на „Блумберг“, Александра Левин, открива повеќе детали.
БИЗНИС
„Алфабет“ му се придружи на клубот на компании со вредност од над три трилиони долари
На корпоративен план, компанијата „Алфабет“ вчера ѝ се приклучи на елитната група на компании вредни повеќе од три трилиони долари. Акциите на компанијата пораснаа за 4,5 проценти, на повеќе од 250 долари, со што пазарната капитализација на „Алфабет“ надмина три трилиони долари. Растот на акциите беше поттикнат од долгоочекуваната антимонополска пресуда и силните заработки во вториот квартал.
БЕРЗА
Европа
Европските берзански фјучерси утрово се тргуваат со добивка, пред објавувањето на податоците за индустриското производство во еврозоната. За потсетување, европските берзи вчера го затворија тргувањето блиску до тринеделниот максимум пред клучниот состанок на Федералните резерви на САД, како и на другите централни банки.
САД
Американските индексни фјучерси исто така се тргуваат повисоко бидејќи инвеститорите очекуваат намалување на каматната стапка од страна на Федералните резерви неделава. Цените на златото пораснаа на нов рекорд, додека доларот падна втор ден по ред. Истовремено, најновите податоци за забавувањето на пазарот на трудот и релативно мирната инфлација ги зголемија очекувањата дека Федералните резерви утре ќе ги намалат каматните стапки за четвртина процентен поен. Сепак, сè уште постои дебата за идното темпо на монетарното олабавување, со оглед на тоа што инфлацијата останува над целта на Фед од два отсто. А еве ги очекувањата на американскиот претседател за утрешната одлука на Фед.
Азија
Во меѓувреме, акциите во азиско-пацифичкиот регион го следеа примерот на Волстрит кон рекордни максимуми. Индексот MSCI порасна за 0,5 проценти, а добивки се забележани и во Јапонија и Јужна Кореја. Од друга страна, акциите во Хонгконг и во Кина делумно ги избришаа своите рани добивки.
.webp){kind=icon}
Во моментов нема коментари за веста. Биди прв да коментира...