Инфлацијата во САД забрза во јуни над проекциите, нагласувајќи го ценовниот притисок со што се отвора патот на ФЕД за ново, поголемо зголемување на каматните стапки подоцна овој месец.
Индексот на потрошувачките цени порасна за 9,1 отсто, што е нависока стапка од 1981 година, покажуваат податоците на Министерството за труд. Инфлацијата е зголемена за 1,3 отсто споредено со минатиот месец, најмногу по 2005 година, и се должи на зголемените трошоци за бензин, сместување и храна.
Економистите на основа на анкетите на Bloomberg предвидоа раст од 1,1 отсто споредено со мај, и 8,8 на годишно ниво.
Базната инфлација која ги исклучува цените на храната и енергијата, зголемена е за 0,7 отсто во споредна со претходниот месец и 5,9 отсто споредено со лани, и е над проекциите.
Приносите од државните обврзници и доларот пораснаа, додека фјучерсите за американските акции паднаа.
Жешките бројки за инфлацијата повторно потврдуваат дека ценовниот притисок е незадржлив и раширен во целата економија и дека и понатаму ја поткопува куповната моќ и доверба.
Тоа ќе ги задржи политиките на ФЕД на агресивно ниво за да ја зауздаат побарувачката, но ќе вршат притисок врз администрацијата на претседателот Бајден и на демократите во Конгресот на кои поддршката им паѓа.
Иако многу економисти сугерираа дека овие податоци ќе бидат највисоки за инфлацијата, неколку ставки, како што се сместувањето, може и натаму да вршат ценовен притисок.
Геополитичките ризици, вклучувајќи и Ковид рестрикциите во Кина и руската војна во Украина, исто така се ризик за синџирите за снабдување и за инфлацијата
Креаторите на политиките на ФЕД веќе сигнализираа дека ќе има второ зголемување на каматните стапки за 75 базни бодови подоцна овој месец.
.webp){kind=icon}
