Шефот на руската дипломатија Сергеj Лавров пристигна на 30-от министерски совет на Организацијата за безбедност и соработка во Европа (ОБСЕ), кој се одржува во Скопје.
Лавров, кој беше пречекан од министерот за надворешни работи Бујар Османи, не даде изјава за медиумите при пристигнувањето.
За доаѓањето на шефот на дипломатијата на Руската Федерацијa, Македонија привремено ги суспендира санкциите воведени од ЕУ за прелети на руски авиони поради руската агресија на Украина.
Прочитај повеќе
Состанок на ОБСЕ: Блинкен си замина, Лавров пристигна во Скопје
Скопје е домаќин на 30 -тиот министерски совет на ОБСЕ
29.11.2023
Голем број барања за средба со Лавров во Скопје
Се очекува во Скопје да пристигнат Лавров и американскиот дипломат Ентони Блинкен
29.11.2023
Бугарија дозволи прелет, Лавров доаѓа во Скопје
Бугарија дозволи пристап до нејзиниот воздушен простор за присуство на рускиот министер за надворешни работи Сергеј Лавров на состанокот на ОБСЕ.
28.11.2023
Министерствата за надворешни и одбрана ќе одлучат за слетувањето на Лавров
Преку надополнета одлука, Владата им пренесе овластување на надлежните министерства сами да можат да одлучат за издавање одобрение за прелет и слетување.
24.11.2023
Авионот со кој рускиот министер за надворешни работи Сергеј Лавров допатува во Скопје на министерскиот совет на ОБСЕ прелетал преку воздушниот простор на Турција и на Грција, а не и на Бугарија, јавија руските медиуми. Менувањето на маршрутата за летот е поради одбивањето на бугарските власти да дозволат прелет на авион во кој се наоѓа портпаролката на руското МНР, Марија Захарова. Летот траел повеќе од пет часа.
По потврденото присуство на Лавров, форумот решија да го бојкотираат министрите за надворешни работи на Украина, Дмитро Кулеба, на балтичките земји - Естонија, Летонија и Литванија, како и на Полска.
На министерскиот совет се очекуваат одлуки за изборот на претседавач за 2024 година, за што на подготвителниот состанок на амбасадори на 57-те земји членки неделава во Виена е постигнат консензус тоа да биде Малта, а треба да се одлучува и за буџетот, како и за именувања за клучните позиции во институциите на ОБСЕ.
Руски медиуми пред неколку дена пренесоа дека Русија побарала од Северна Македонија, која претседава со ОБСЕ годинава, да издаде визи за нејзината делегација за министерскиот совет од 30 ноември до 1 декември. Русија, според руските медиуми, барала визи за 85 члена на руската делегација за учество на министерскиот совет на ОБСЕ во Скопје.
.webp){kind=icon}