Драги поднесе оставка, еврото веднаш падна

Иако му беше дадена доверба и без трите најголеми партии од владеачката коалиција, италијанскиот премиер Марио Драги беше принуден да го спаси образот и да даде оставка. Тој потег седуваше по неговите изјави дека нема да остане на својата позиција доколку ја нема поддршката од сите партнери во коалицијата.

Сенатот се изјасни вчера вечерта а исходот од гласањето е: 95 сенатори и изгласаа доверба на владата, 33 беа против. Целосниот состав на Сенатот брои 321 член, а голем дел од нив не гласаа. Меѓу нив има членови на трите коалициски партнери: движењето Пет ѕвезди, Лигата на Матео Салвини и Форца Италија на Силвио Берлускони, кои најавија дека нема да го поддржат премиерот.

Драги веќе понуди оставка минатата недела кога неговиот главен коалициски партнер, Движењето Пет ѕвезди, одби да учествува во гласањето за доверба на владата. Премиерот заклучи дека повеќе ја нема потребната поддршка за да продолжи да ја води државата. Тој повеќе пати потенцираше дека нема да остане на чело на владата без широката поддршка од неговите партнери. На барање на италијанскиот претседател Серџо Матарела, тој се согласи да почека и да види како ќе помине новото гласање за доверба на владата.

Драги претходно во текот на денот донекаде пркосно се обрати до парламентот со барање да ги поддржи неговите реформи и ги прекори партиите за забавување на работата на неговата влада во последните неколку месеци поради внатрешни конфликти.

Додека траеше дебатата фјучерсите на акции и обврзници паднаа поради изгледите дека владата на Драги може да падне. Фјучерсите на индексот на италијанската берза FTSE MIB паднаа за 4 отсто, додека фјучерсите на обврзниците го допреа најниското ниво во последните три недели.

Bloomberg Chartmaker

Еврото се лизна во однос на доларот.

Во моментов нема коментари за веста. Биди прв да коментира...

Остави коментар