Швајцарскиот регулатор за обложување започна прелиминарна истрага за продажбата на блокчејн токените поддржани од ФИФА што навивачите можат да ги заменат за билети за Светското првенство во 2026 година.
Геспа (Gespa), која исто така е надлежна за надзор на лотарии и спортско обложување, истражува дали ФИФА ја продава можноста за освојување билети за спортски настан или нуди нешто поблиску до коцкање. Регулаторот треба да утврди дали глобалното фудбалско тело ги почитува локалните правила, изјави извршниот директор на „Геспа“, Мануел Рихард, за „Блумберг“.
„Врз основа на првичната внатрешна проценка, не може да се исклучи дека понудата на collect.fifa.com може да биде релевантна според законодавството за коцкање“, рече Рихард во изјава испратена по имејл. „Геспа сега ќе спроведе понатамошно утврдување на фактите за да утврди дали е потребна регулаторна акција.“
„Геспа“ не добила никакви пријави во врска со платформата на ФИФА пред прашањето на „Блумберг“, рече Рихард. Портпаролот на ФИФА одби да коментира. ФИФА не е обвинета за никаков прекршок.
Светското првенство во 2026 година, кое ќе се одржи во 16 градови низ САД, Мексико и Канада, се очекува да биде едно од најпрофитабилните за ФИФА, која очекува приходи од 11 милијарди долари во периодот помеѓу 2023 и 2026 година. Повеќето од натпреварите ќе се играат во САД, каде што инвеститорите, па дури и спортските фанови се посклони кон тргување со криптовалути.
Depositphotos
За последното Светско првенство, билетите беа пуштени во продажба преку веб-страницата на ФИФА и беа распределени по принципот „прв дојден, прв услужен“. Минатата година, ФИФА започна со продажба на таканаречени токени „Право на купување“, кои им даваат право на купувачите да купат загарантиран билет за натпревар од Светското првенство.
Откако билетите ќе бидат пуштени во продажба, на сопствениците на токени им се гарантира можноста да купат билет за одреден натпревар, дури и ако местото на одржување или екипите што играат се непознати во тој момент. Тие исто така можат да ги тргуваат овие токени на секундарни пазари.
Некои од овие токени се поврзани со одредена национална репрезентација - но тие доаѓаат со поголем ризик. Токенот „Право на финалето“, на пример, им нуди на навивачите можност да купат билет за финалето на Светското првенство, но само ако тимот чиј колекционерски токен го купиле го достигне тоа ниво на натпреварување.
Со оглед на тоа што речиси 50 земји се подготвени да учествуваат на турнирот следната година, повеќето од продадените токени нема да резултираат со купување билет. Десетиците илјади токени „Право на купување“ што ФИФА досега им ги продаде на надежните играчи веројатно ѝ донеле на фудбалската организација неочекувана добивка од околу 15 милиони долари, објави „Атлетик“ минатиот месец.
Токенот „Право на финале: Англија“ чинеше 999 долари и сега е распродаден. Доколку Англија стигне до финалето, сопствениците на тие токени ќе имаат право на билет за натпреварот, но сè уште не е јасно колку дополнително ќе треба да платат за да обезбедат вистински билет.
Влезници од 30.000 долари
ФИФА минатата недела ја лансираше својата платформа за препродажба на билети, каде што некои билети за финалето на Светското првенство се нудат за до 30.000 долари.
„Геспа“ може да им наложи на компаниите со седиште во Швајцарија кои ги кршат нејзините правила да ги спречат нелегалните активности. Доколку компанијата е исклучиво онлајн или е со седиште во странство, „Геспа“ може да побара од швајцарските интернет провајдери да го блокираат пристапот до веб-страницата на компанијата. Регулаторот е законски должен да ги извести органите за спроведување на законот доколку се утврди прекршок, рече Рихард.
ФИФА, со седиште во Цирих, ја води својата платформа ФИФА колект (FIFA Collect) во партнерство со „Модекс тек“ (Modex Tech Ltd.), развивач на блокчејн софтвер со канцеларии во Швајцарија, Гибралтар и Италија. „Модекс“ сè уште не добил никаква комуникација од „Геспа“, според лице запознаено со ова прашање. Портпаролот на „Модекс“ не одговори на барањето за коментар.
.webp){kind=icon}
