text size
Овој пат ви претставуваме врвни решенија за вашите планови да преминете на вежбање во затворен простор.
Подобрете го својот замав
Сензор „хакмоушн“ (HackMotion) за вежбање замав во голфИзвор: „Хакмоушн“ (HackMotion) Bloomberg Businessweek
Апликациите што нудат директен пристап до врвните тренери за голф имаат напредок. Меѓутоа, „Хакмоушн“ (HackMotion), со цена од 295 долари, оди чекор понапред - има два сензора што служат за идентификација на проблемите, еден што се поставува на зглобот од раката, а друг на надлактицата. За разлика од другите опции на пазарот, кај кои може да ве вознемират непријатните коментари, оваа апликација ќе ве исправи со едно едноставно „у-у“, а добрите удари ќе бидат проследени со пријатни звуци на ѕвона. Еден од режимите за вежбање е наменет за играње голф надвор, а друг за вежбање во затворен простор.
Чизми наменети за закрепнување по вежбање
Патики-чизми „најк енд хиперајс“ (Nike x Hyperice) за загревање и закрепнување по вежбање. Со притиснување на копчињата истовремено се регулира нивото на компресија и топлина на двете стапалаИзвор: „Хиперајс“ (Hyperice) Bloomberg Businessweek
Некои од најбрзите тркачи во светот, како олимпискиот шампион во маратон Елиуд Кипчоге и освојувачката на сребрен медал на 100 метри Шакари Ричардсон, веќе ја испробаа технологијата вградена во патиките-чизми „најк енд хиперајс“ (Nike x Hyperice). Сеедно дали станува збор за закрепнување по вежбање или за загревање, овие длабоки патики функционираат како манжетни за мерење крвен притисок околу скочните зглобови и стапалата и можат да ги масираат мускулите користејќи воздушен притисок и топлина и така помагаат да се намали воспалението, а мускулите да се опуштат.
Вистински забавна маса за пинг-понг
Масата за пинг-понг „луј витон“ (Louis Vuitton) е достапна во тиркизна и црвена бојаИзвор: „Луј Витон“ (Louis Vuitton) Bloomberg Businessweek
Веројатно никогаш нема да бидете толку добри во пинг-понг да заиграте за кинеската репрезентација, но затоа може да предизвикате љубомора кај другите играчи со сет за пинг-понг вреден 84.000 долари, на францускиот производител за луксузни производи „Луј Витон“ (Louis Vuitton-LV). Страните од масата се прекриени со платно со монограм од брендот (или со мотивот дамиер - француски термин за „шаховска табла“, што ја објаснува шемата за првото платно со потпис на „Луј Витон“), мрежата е направена од кожа, како и страничните држачи за топчиња во вид на две ленти, во кои може да има 12 топчиња. Масата има и вградена фиока за рекетите со монограмот на „Луј Витон“.
Веслајте во мир
Направа за веслање „еј уан сити роу конект ровер“ (A1 CityRow Connect Rower), направена од оревово дрвоИзвор: „Сити роу“ (CityRow) Bloomberg Businessweek
„Еј уан сити роу конект ровер“ (A1 CityRow Connect Rower), чија цена почнува од 1.599 долари, располага со таблет со екран од 19,5 инчи (50 см) чувствителен на допир, ги следи перформансите во реално време и има висококвалитетни звучници. Таа претставува напредна верзија на направа за веслање, која се покажа како најдобро средство за кардиовежби со умерен интензитет. Таблетот овозможува пристап до библиотека со стотина часа, додека седиштето, кое се ротира за 30 степени, го олеснува преминот од направата на вежбање на под. Достапна е во шест различни видови дрво, како што е оревот што е прикажан овде. Ако ги затворите очите, жуборот на водата што допира од резервоарот од 11 литри може да ве прелаже да помислите дека сте надвор во природа.
Џипиес-часовник без граници
Паметен часовник „гармин феникс 8“ (Garmin fēnix 8)Извор: „Гармин“ (Garmin) Bloomberg Businessweek
Часовникот „гармин феникс 8“ (Garmin fenix 8), со цена од 1.100 долари, има по нешто за секого: тркачите и велосипедистите треба само да ја внесат дистанцата што сакаат да ја поминат и ќе добијат препорака за појдовна и дојдовна маршрута, што ќе им овозможи да ја избегнат едноличната рутина. Нуркачите што користат боци со кислород и обичните нуркачи на задржан воздух ќе уживаат во новиот сензор за притисок, водоотпорните копчиња и отпорноста на часовникот на притисок до длабочина од 40 метри. А планинарите и да не ги споменуваме, луѓето што сакаат да пребаруваат поткровја ќе ја почитуваат вградената батериска ламба. Благодарение на вградените звучници, „гармин“ влегува во рангот на паметни часовници и е компатибилен со оперативните системи Андроид (Android) и ИОС (iOS), а има функција и за гласовни команди и повици. Не е лошо ниту тоа што батеријата може да му трае еден месец.
Растителен протеин што всушност е вкусен
Извор: „Рајс 311“ (Rise311) Bloomberg Businessweek
Тренерот на познатите Џејсон Волш направи суперхерои од глумците Џејк Џиленхол, Алисон Бри и Педро Паскал. Тој ги слушаше (како и безброј други клиенти) како се жалат на протеинските суплементи што влијаат на варењето, содржат неквалитетни состојки и едноставно не се вкусни. Волш затоа помина една година тестирајќи ја и испробувајќи ја својата протеинска формула. Резултатот од тоа е „рајс 311“ (Rise311), фин прав што содржи 30 грама растителни протеини по порција од 160 калории, што е невообичаено висок удел. Цената за една ќесична за 15 порции почнува од 55 долари па нагоре. Суплементот е направен од грашок и изртен јачмен, така што телото може лесно да го апсорбира и свари. Помешан со млечни производи по ваш избор (а може и без нив), необично потсетува на чоколадно млеко.
Велосипед-уметничко дело
Статичниот велосипед „ханиа“ (Hania), со детали од бронза, дрвен рам и седиште и рачки од кожа, е уникатен на пазарот според изгледот и чувството што го нуди. Оваа направа чини 7.315 долари и доаѓа од „Пент“ (Pent), доставувач на квалитетна фитнес-опрема со која се опремени луксузни хотели, како „Марина беј сендс“ (Marina Bay Sands) во Сингапур, „Булгари спа“ (Bulgari Spa) во Рим и „Клериџис“ (Claridge’s) во Лондон. Благодарение на минималистичкиот изглед, лесно се вклопува во мали простори, што овој статичен велосипед го прави, како што истакнува брендот, особено погоден за вежбалница на вашата приватна јахта. Со оглед на тоа што секое парче се изработува рачно, рокот за изработка на овој производ е четири месеци.
.webp){kind=icon}
