Светлана Мојсов, Македонка што работи како истражувачка и професорка на универзитетот „Рокфелер“ во Њујорк, во април годинава магазинот „Тајм“ ја стави на својата листа на сто највлијателни луѓе за 2024 година. „Тајм 100“ им оддава признание на уметници, иноватори, лидери и пионери во различни области.
Мојсов го доби ова признание поради нејзините револуционерни откритија околу хормонот што го регулира шеќерот во крвта, наречен GLP-1, кој, пак, го отвори патот за блокбастер лековите против дијабетес и дебелина „оземпик“ (Ozempic), „виктоза“ (Victoza) и „вегови“ (Wegovy).
Овие таканаречени GLP-1 агонисти ja трансформираа клиничката практика на третирањето на шеќерот во крвта и губењето на тежината. Борбата на Светлана Мојсов да ги добие заслужените признанија за нејзината работа на откритието што помага во борбата против дијабетесот трае со децении. Дури и кога неколку научници добија ловорики за овие фармаколошки откритија, придонесот на Мојсов постојано беше некако тргнат настрана. Со текот на годините, таа научи успешно да се бори за да го вклучи своето име во патентите за GLP-1 како копронаоѓач и коригираше написи во списанија од висок профил што го испуштија нејзиниот придонес.
.webp){kind=icon}
Во моментов нема коментари за веста. Биди прв да коментира...