.webp){kind=icon}
Првиот дигитален асистент базиран на вештачка интелигенција во јавниот сектор - АДА денеска ќе биде промовиран во Фондот за иновации и технолошки развој (ФИТР).
Дигиталниот асистент на сите заинтересирани граѓани и компании ќе им нуди информации за поддршка на инвестиции по планот за економски раст, сите повици од програмата на ФИТР, како и условите за инвестирање во нашата земја преку ТИРЗ, а гарантира голема транспарентност и ефикасно и ефективно добивање на податоците во реално време.
„Со АДА ќе се автоматизираат над 80 отсто од интеракциите со корисниците, што ќе придонесе до голема заштеда на ресурси, транспарентна комуникација со граѓаните, намалување на метежот во институциите, како и поефикасни и поефективни процеси, услуги и зголемување на продуктивноста на вработените“, најави претходно вицепремиерот за економски прашања Фатмир Битиќи, кој исто така рече дека се завршени и последните координации со тимот на „Кодвел“ (CodeWell).
Токму тој ќе биде еден од официјалните претставници што ќе се обратат на денешната промоција, заедно со премиерот Димитар Ковачевски и со директорот на Фондот за иновации и технолошки развој, Фестим Халили.
