Според ново истражување, довербата на јавноста во управувањето на Џером Пауел со Банката на федерални резерви (ФЕД) нагло опадна и сега е на нивото на доверба во неговите претходници, па дури и пониско, додека централната банка води војна против инфлацијата.
Анкетата на „Галуп“ објавена во вторникот покажува дека 36 отсто од возрасните Американци велат дека имаат „одлична“ или „доволна“ доверба оти претседателот на ФЕД ќе ја направи или препорача вистинската работа за економијата.
Тоа е помалку од 37 проценти што ги имаше Џенет Јелен за време на нејзината прва година во ФЕД во 2014 година, а иако според истражувањето јазот е околу четири процентни поени, тоа е најниско ниво откако „Галуп“ почна да ја истражува довербата на јавноста во шефот на централната банка во 2001 година. Поранешниот претседател на ФЕД, Бен Бернанке, го достигна својот најнизок процент, 39 отсто, во 2012 година.
Довербата во ФЕД генерално го следи здравјето на економијата. Во април 2020 година, само еден месец откако започнаа заклучувањата поради ковид-19, довербата во Пауел достигна 58 проценти, што е највисока оценка на одобрување што ја добил кој било претседател на ФЕД, од времето на Алан Гринспен во 2004 година.
Довербата во претседателот на ФЕД достигна најниско ниво
Bloomberg
Меѓутоа, кога инфлацијата почна да расте и ФЕД да ги зголемува каматните стапки, довербата на јавноста во Пауел опадна.
Перцепциите во однос на ФЕД се и политички обоени. Пауел дојде на чело на ФЕД наместо Јелен во 2018 година, под тогашниот претседател Доналд Трамп. Тој ја ужива довербата на 60 отсто од демократите, но само 21 отсто од републиканците. Кога Трамп беше претседател, довербата на републиканците во Пауел ја надмина довербата на демократите во просек за 14 процентни поени.
Навистина, довербата во Пауел може да се спореди со довербата во политичките актери.
Околу 35 отсто од Американците имаат доверба во претседателот Џо Бајден во однос на економијата, што е најнизок процент од кој било претседател откако Џорџ В. Буш имаше 34 отсто за време на финансиската криза во 2008 година.
Јелен, сега министерка за финансии на Бајден, има 37 отсто, што е најнизок процент на таа позиција откако Џејкоб Лу имаше 20 отсто во 2014 година.
Околу 38 отсто од Американците имаат доверба во републиканците во Конгресот во однос на економијата, во споредба со 34 отсто за демократите.
.webp){kind=icon}
