Екстремно студено време ќе го зафати поголемиот дел од Европа кон крајот на неделава, што ќе биде вистински тест за енергетските системи во европскиот регион по благата зима која владееше досега.
Минималните температури ќе паднат под нулата во Берлин и Париз во текот на викендот, покажуваат податоците од „Максар технолоџис“ (Maxar Technologies Inc.) а во Лондон температурата ќе се движи од 4,8 степени Целзиусови над просекот во вторник до 3,5 под сезонскиот просек до недела.
Британската метеоролошка служба издаде вондредно временско предупредување бидејќи бурата Хенк носи силен дожд и силни ветрови - со налети до 70 милји на час (113 километри на час) - во јужните делови на земјата. Тоа може да резултира со потенцијални нарушувања на патните правци и инфраструктурата.
Се прогнозира дека студениот бран ќе трае и до следната недела, бидејќи ослабениот стратосферски поларен вител влијае на временските шеми над Европа. Синоптичарите велат дека е прерано да се каже колку долго ќе трае таа појава, која генерално носи пониски температури.
Референтните европски цени на природниот гас се зголемија бидејќи постуденото време ќе ја зголеми побарувачката за греење. Сепак, рекордните резерви на гас, намалената индустриска потрошувачка и високото производство на обновливи извори веројатно ќе го ограничат растот на трошоците за гориво.
Bloomberg Chartmaker
Ледените температури над Скандинавија ќе се задржат, со минимални -18,5 степени во Хелсинки во следните два дена. Студот таму ќе биде умерен следната недела, но не пред Осло да достигне до -20,5 степени Целзиусови во петок и сабота.
.webp){kind=icon}