Ирански командоси запленија брод на израелска компанија кај Ормутскиот теснец

Корпусот на гардата на Исламската револуција на Иран заплени контејнерски брод поврзан со Израел во близина на Ормутскиот теснец помеѓу Персискиот залив и Оманскиот залив, објави иранската државната новинска агенција Исламска Република.

Специјалните сили се симнале на бродот „МСЦ Ариес“ (MSC Aries) од хеликоптер и го насочиле кон иранските територијални води, соопшти агенцијата, без да наведе причина за запленувањето.

Корисниот на бродот е „Зодијак Маритме“, дел од „Зодијак групацијата“ на израелскиот бизнисмен Ејал Офер, според податоците на „Блумберг“. Никој не одговори на повикот до канцеларијата на „Зодијак“ во Лондон.

Бродот последен пат испловил од пристаништето Калифа на Обединетите Арапски Емирати и пловел на исток кон Ормутскиот теснец во петокот навечер по локално време.

Запленувањето доаѓа додека Израел се подготвува за ирански одговор на нападот врз иранската амбасада во Сирија на 1 април, за кој се сомничат Израелците. Потенцијалните сценарија вклучуваа напад со беспилотни летала и проектили на израелска територија уште оваа недела.

Бродовите на „Зодијак“ постојано беа цел на напади во истата област во последниве години за кои САД и Израел го обвинуваат Иран. Техеран претходно негираше вмешаност.