Еврото падна на најниско ниво за еден месец откако францускиот претседател Емануел Макрон распиша предвремени избори во земјата поради изборите за Европскиот парламент. Вредноста на евро валутата се намали за 0,5 отсто, а паднаа и цените на фјучерс договорите за европските акции и француските обврзници, објави „Блумберг“.
Добро утро, ова се останатите пет вести кои се важни за почеток на денот
Забрзаната инфлација не дозволува намалување на каматите летово
ЕЦБ во четвртокот прв пат ја намали депозитната камата за 25 базични поени. Засега, забрзаната инфлација и растот на платите не дозволуваат таков чекор во Македонија. Аналитичкиот тим на „Блумберг Адрија“ смета дека централната банка во земјава подолго од другите банки во регионот ќе ја задржи сегашната монетарна политика, а првото намалување на каматите може да се очекува по летото.
„Инфлаторниот притисок е обновен поради цените на храната што се должи на ефектот од пролетната сезона и завршувањето на владините мерки за ограничување на цените на храната. Оттука зголемените бројки ќе го одложат намалување на стапките од страна на НБРМ“, стои во последната ББА анализа за кредитната активност во регионот Адрија.
ББА прогноза: ФЕД до есен нема да ги намали каматите
И на овонеделната седница ФЕД нема да го промени правецот на монетарната политика. Очекуваме референтната каматна стапка да се задржи на истото ниво, со многу веројатен почеток на намалувањето дури наесен оваа година.
Има повеќе фактори кои укажуваат дека нема да има промена на каматната стапка. Индексите на доверба на менаџерите во индустрискиот и услужниот сектор се на стабилни нивоа. Во последните месеци, инфлацијата изнесува околу 3,4 отсто и не успева да се намали пониско поради затегнатиот пазар на труд и стабилната економија. Според последното читање, просечната часовна заработка на работниците пораснала за 4,1 отсто на годишна основа, што е малку над очекувањата.
Ефект од намалувањето на каматните стапки треба да се очекува во економијата
Откако ЕЦБ ги намали каматните стапки а неделава се очекува одлука на Фед, која се поизвесно е дека нема да оди на иста линија со Европската централна банка, очекувањата се дека централните банки, сепак ќе бидат внимателни при носењето на одлуките во следниот период.
„Не очекувам радикално интензивна политика на намалување на каматите стапки. Сметам дека централните банки ќе бидат внимателни во делот на намалувањето, односно тоа да се случува постепено, вели Коста Костадиновски, Овластен инвестициски советник „Капитал Ассет Менаџмент“ Скопје во интервју за „Блумберг Адрија“.
Што е ЕСГ инвестирање и зошто е на удар на критиките?
Може да се каже дека ЕСГ (животна средина, социјални прашања и управување, од англиски: ESG-environmental, social and governance) е лесно да се дефинира. Тоа е пристап кон финансирање и инвестиции насочени кон управување со ризиците предизвикани од фактори на животната средина, социјалните прашања и прашањата за корпоративното управување.
Сортирањето на разликите помеѓу ЕСГ и сличните, а понекогаш и преклопувачките стратегии е потешко, делумно затоа што терминот почна да значи различни работи за различни луѓе. Широката употреба на ЕСГ факторите поттикна скептицизам дека таквиот пристап не е ништо повеќе од маркетиншки трик, што предизвикува реакции и регулаторни мерки.
Чуанфу: Европа и САД се плашат од кинеските електрични автомобили
Странските земји се „плашат“ од кинеските електрични возила, рече претседателот на „БЈД“ Ванг Чуанфу, критикувајќи ги европските и американските напори за ограничување на увозот на кинески автомобили.
„Има многу примери на политичари во други земји кои се загрижени за електричните возила во Кина“, рече Ванг во својот говор на индустрискиот самит во југозападниот кинески град Чонгкинг во петокот.
.webp){kind=icon}
