.webp){kind=icon}
Вселенското летало „Старлајнер“ (Starliner) произведено од компанијата „Боинг“ (Boeing) слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а двајцата астронаути на НАСА, Буч Вилмор и Суни Вилијамс, првиот екипаж што леташе со „Старлајнер“, останаа на Меѓународната вселенска станица (МВС).
Беше одлучено Вилмор и Вилијамс да останат во вселената до февруари 2025 година, бидејќи „Старлајнер“ се врати на Земјата користејќи маневри премногу опасни за екипажот.
Прочитај повеќе
НАСА одлучува како двајца заглавени астронаути да се вратат на Земјата годинава
Ќе биде потребна уште една недела за да се одреди уште колку долго ќе трае процесот.
15.08.2024
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Околу 45 минути подоцна, серија падобрани беа активирани за да го забават спуштањето и сет од воздушни перничиња се надуваа неколку моменти пред „Старлајнер“ да се спушти во космодромот „Вајт Сендс“ во пустината во Ново Мексико.
Пет од 28-те погони за маневар на „Старлајнер“ откажаа со Вилмор и Вилијамс во кабината за време на нивното приближување до МВС во јуни, додека истиот погонски систем предизвика протеквање на хелиум, кој се користи за притисок на погоните.
Тоа доведе до истрага, предводена од „Боинг“ и НАСА, која чинеше 125 милиони долари.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало од компанијата „Спејс екс“ (SpaceX) на Илон Маск.
