Привлечноста на Дубаи за иселениците ја гуши инфраструктурата

Закрепнувањето на Дубаи по пандемијата дојде до израз на крајот на минатиот месец. Истиот ден кога најбогатиот човек во Африка ги претстави плановите за основање на своја семејна компанија, „Сантандер Груп“, стана најновата компанија која го зголемува богатството во Емиратите.

Но додека приливот на иселеници кои бараат високо платени работни места ја зајакнува економијата на деловниот центар на Блискиот Исток, вреден речиси 115 милијарди долари, тоа исто така ги разоткрива и ограничувањата на инфраструктурата на Дубаи. Градот сега е дом на 3,8 милиони жители, а до 2040 година се очекува да се зголеми на 5,8 милиони.

Тоа ќе го доближи населението на Дубаи до Сингапур и ќе означи целосен пресврт по годините на пандемијата. Од 2020 година пристигнаа околу 400.000 луѓе, привлечени од ниските даноци, безбедноста и близината до големите пазари.

Растот ја поттикна економијата и тоа помогна да се придвижи референтниот индекс и да го одведе Дубаи во редовите на најдобрите глобални дестинации оваа година. Но, тоа има своја цена.

Презаситеноста од трговци, адвокати и банкари кои се подготвени да ги намалат премиум цените ја зголемуваат вредноста на имотите и кириите, сериозно зголемувајќи ја и конкуренцијата за прием во училиштата. Јавниот превоз е ограничен и патиштата се преполмни иако, како што покажуваат податоците на „Том том“ (TomTom), Дубаи сè уште е во подобра состојба од Лондон, Њујорк и Ријад кога станува збор за времето загубено во сообраќајот на годишно ниво.

Моника Малик, главна економистка во „Абу Даби комершал бенк“ (Abu Dhabi Commercial Bank PJSC), проценува дека темпото на раст ќе продолжи во текот на оваа деценија.

„Начинот на живот, леснотијата на водење бизнис и политиката за персонален данок на доход се фактори кои ја поддржуваат оваа континуирана експанзија. Сега очекуваме значителни инвестиции за подобрување на животната средина“, рече таа.

Раст на бројот на жители во Дубаи Bloomberg Mercury

 

Дубаи има амбиции да биде меѓу топ три градовите на глобално ниво според животниот стандард, посочи портпаролот на Канцеларијата за медиуми во Дубаи. Неговиот урбан мастер план за 2040 година има за цел да го направи градот поодржлив, додека социјалната агенда се фокусира на подобрување на образованието, здравството и социјалните услуги. Меѓу проектите на Емиратите се проширување на метрото во вредност од пет милијарди долари и дренажна мрежа од 8,2 милијарди долари, откако екстремните дождови во април ги поплавија автопатите, домовите и деловните објекти.

Финансиски центар

Бумот не е никаде поочигледен како во финансискиот центар. Бројот на луѓе кои работат во Меѓународниот финансиски центар во Дубаи во минатите пет години скокна за 70 проценти, според податоците од слободната зона. Се очекува оваа година да се основаат рекорден број фирми и да се изградат три нови канцелариски кули.

Во вториот квартал просечните стапки на зафатеност на канцелариите низ градот се зголемија на над 91 отсто, што е сосема спротивно од падот на комерцијалните недвижности забележан во многу светски финансиски центри.

Пресвртот започна за време на пандемијата кога Дубаи, охрабрен од високите стапки на вакцинација, ги пречека посетителите значајно пред поголемиот дел земји да ги укинат мерките на карантин. Тоа, во комбинација со олеснетите визни регулативи, поттикна наплив на крипто милионери, банкари од Азија и дигитални номади. Руската инвазија врз Украина во 2022 година поттикна уште еден бран на новодојденци кога богатите Руси се преселија за да ги заштитат своите имоти.

Конфликтите на Блискиот Исток и руската војна против Украина имаа помалку штетно влијание врз глобалната економија отколку што се стравуваше, смета Скот Ливермор, главен економист во „Оксфорд економикс мидл ист“ (Oxford Economics Middle East).

„Тоа важи за земјите од Заливот и Дубаи, кои и натаму уживаат силен раст. Треба да очекуваме ова да продолжи доколку не дојде до значителна ескалација на конфликтот што би зафатил поголем број земји“, ​​рече тој.

Во финансискиот центар во Дубаи лани се вработиле нови 5.000 лица Bloomberg Mercury

 

Цени за домување

Податоците покажуваат дека вредноста на домовите расте 16 последователни квартали, а кириите за вили за едно семејство од почетокот на пандемијата се зголемија за 86 отсто.

Според податоците на „Блумберг“, од почетокот на 2019 година цените на недвижностите во Дубаи ги надминаа Лондон и Сингапур, а во следните две години се очекува на пазарот да излезат уште околу 90.000 нови домови.

Цените на недвижностите во Дубаи растат побргу од Лондон и Сингапур Bloomberg Mercury

 

Недостаток е поголем сообраќај на веќе преполните патишта. Стотици илјади работници патуваат во Дубаи од соседните емирати, вклучително и Шарџа, каде инаку домувањето е поисплатливо, па времето на возење може да се удвои за време на сообраќајниот шпиц.

Конкуренцијата се интензивира и во училиштата, каде годинава се запишаа за осум отсто повеќе ученици од лани. Доселениците, кои сочинуваат скоро 90 проценти од населението, практично се исклучени од државните училишта, а родителите трошат значителни суми од нивните плати за училишни такси. Секое полупристојно училиште е преполно и повеќето од нив имаат долги листи на чекање. Се очекуваат отворање на околу 15 нови училишта во текот на следните три години, покрај 220-те што веќе се во функција.

Дестинација за патување

Цвета и туризмот, секторот кој што е столб на економијата на Дубаи. Околу 10,6 милиони луѓе го посетиле Дубаи во првата половина годинава, што на годишно ниво претставува раст од осум проценти, покажуваат податоците од одделот за туризам на градот. Во корист на туризмот оди и позицијата на Дубаи како воздухопловен центар. Градскиот аеродром очекува рекордни 91,8 милиони патници да поминат низ неговите терминали оваа година.

Во првата половина годинава Дубаи го посетиле над 10 милиони туристи Bloomberg Mercury

 

Со оглед на тоа што големиот пораст на населението во Дубаи (во 1960 година тој беше дом на само 40.000 луѓе) може да забави, емиратот сака да привлече повеќе инвестиции и бизниси, па планира проекти од десетици милијарди долари за сместување на граѓаните, жителите и туристите.

„Темпото на раст може да се намали во текот на следните неколку години како што созрева враќањето од пандемијата. Брзиот раст секако оптоварува дел од инфраструктурата во Дубаи, но се чини дека властите имаат план да се справат со последиците“, вели Ливермор од „Оксфорд економикс мидл ист“.