.webp){kind=icon}
Британската премиерка Лиз Трас се подготвува да промени делови од нејзината економска стратегија и тоа да го објави во текот на денот, по неколкунеделниот притисок на пазарот врз неа за да објасни како ќе плати за огромниот пакет даночни олеснувања.
Дополнителна тежина на ваквиот потег што денеска беше обелоден од извор запознаен со ситуацијата, му дава и веста дека Кваси Квартенг веќе не е министер за финансии.
Одлуката доаѓа по низата контроверзни решенија на новата британска влада, кои доведоа до мини финансиска криза на Островот.
Прочитај повеќе
Лиз Трас ќе го смени економскиот план
Промената е планирана по неколкунеделниот притисок кој пазарот во врши врз Трас за да објасни како ќе плати за најавените даночни намалувања.
14.10.2022
Владата во Лондон порано ќе го објави фискалниот план
Кваси Квартенг ќе ја објави својата среднорочна фискална стратегија и придружните економски прогнози на 31 октомври
10.10.2022
Трас се откажа од намалување на даноците за најбогатите
Премиерката на Велика Британија се откажа од планот за намалување на даноците за најбогатите само 10 дена по објавувањето на ваквата мерка.
03.10.2022
40 милијарди фунти владина помош за британските фирми
Британската влада го претстави пакетот за финансиска помош вреден повеќе милијарди фунти
21.09.2022
Во септември, владата предводена од Трас и Квартенг, претстави храбар план за намалување на даноците и стимулирање на економскиот раст, што доби значајни критики на меѓународните пазари. Планот предизвика хаос на пазарите на акции и обврзници, при што некои британски пензиски фондови беа блиску до колапс. Падна и фунтата, а Банката на Англија (BOE) беше принудена да интервенира на пазарот, со информации дека ќе престане да продава хартии од вредност и ќе почне да купува државни обврзници.
Новата влада најави намалување на даноците во време кога земјата се бори со висока инфлација и енергетска криза, која британските власти - како и оние во другите европски земји - ја решаваат со државна помош за компаниите и домаќинствата.
Засега не е познато од кои мерки ќе отстапи Трас. Кабинетот на премиерката подоцна кратко соопшти дека таа ќе одржи прес-конференција в петок, без да навлегува во дополнителни детали.
Квартенг потврди дека Лиз Трас побарала од него да ја напушти министерската функција, по неколкунеделните пазарни превирања предизвикани од огромниот пакет нефинансирани даночни олеснувања што тој го објави минатиот месец.
Драматичниот потег доаѓа додека премиерката подготвува уште еден понижувачки пресврт на економската стратегија на владата. Трас веќе беше принудена на пресврт во една од нејзините главни мерки: планот за намалување на највисоката стапка на данок на доход.
„Важно е сега додека одите напред да ја нагласите посветеноста на вашата влада на фискалната дисциплина“, посочува Квартенг во писмо до Трас објавено на „Твитер“. „Среднорочниот фискален план е од клучно значење за оваа цел и со нетрпение очекувам да ви поддржам вас и мојот наследник за да го постигнете тоа“.
Се смета дека Квартенг ќе биде заменет со Џереми Хант, министер за надворешни работи во владата на Борис Џонсон во 2018 и 2019 година. Квартенг е британски министер со најкраток стаж во последните два века.
