.webp){kind=icon}
Рејтингот на францускиот претседател Емануел Макрон е намален за два процентни поени, покажува анкета спроведена по објавувањето на владиниот план за зголемување на старосната граница за пензионирање.
Премиерката Елизабет Борн, која го претстави владиниот план на 10 декември, сега има четири процентни поени помалку поддршка, покажува анкетата спроведена од агенцијата „Ифоп“ (Ifop) за „Журнал ду Диманш“ (Journal du Dimanche).
Прочитајте повеќе: Макрон ризикува со планот да ги натера Французите да работат подолго
Анкетата, која се спроведува на месечно ниво, покажа дека околу 34 отсто од испитаниците се задоволни од досегашната работа на Макрон. Нивото на поддршка во декември беше 36 отсто. Истиот показател кога станува збор за Борн падна од 36 отсто во декември, на 32 отсто во јануари.
Елизабет Борн
Bloomberg
Повеќе од милион луѓе излегоа на улиците во четвртокот, предводени од претставници на синдикатите. Причината беше планот на Макрон да го реформира пензискиот систем со зголемување на старосната граница за пензионирање од 62 на 64 години.
Во анкетата учествувале 1.963 испитаници, а била спроведена преку телефонски разговор или преку интернет. Маргината на грешка е меѓу 1 и 2,3 проценти.
