Трамп најави нов митинг во градот каде што беше пукано кон него

Поранешниот американски претседател и републикански кандидат на претстојните претседателски избори, Доналд Трамп, најави дека наскоро ќе одржи уште еден митинг во Батлер, Пенсилванија, каде што беше извршен обид за атентат врз него на 13 јули.

„Ќе се вратам во Батлер, во Пенсилванија, на голем и убав митинг“, напиша тој на социјалните мрежи.

Трамп не го прецизираше датумот, а деталите ќе ги соопшти подоцна.

Тој беше ранет во обид за атентат врз него за време на предизборниот митинг во западна Пенсилванија.

Куршум за малку ја промаши главата на Трамп, зафаќајќи го горниот дел од неговото десно уво.

ФБИ го идентификуваше 20-годишниот Томас Метју Крукс како напаѓачот кој го застрела поранешниот претседател. Тој пукал од полуавтоматска пушка АР-15 од зграда во близина на митингот, убивајќи еден посетител, а и повредувајќи други двајца. 

Крукс беше ликвидиран од агентите на Тајната служба на самото место, непосредно по пукањето. 

Во моментов нема коментари за веста. Биди прв да коментира...

Остави коментар