.webp){kind=icon}
Малолетната ќерка на севернокорејскиот лидер Ким Џонг Ун добива лекции како да ја преземе земјата, им укажала на пратениците јужнокорејската шпионска агенција, што е брз напредок за девојчето, кое својот прв јавен настап го имаше пред помалку од две години.
Џу Ае - која државните медиуми ја нарекуваат „почитувана ќерка“ и „сакано дете“ - е кандидатка да биде следна во редот во семејството Ким, кое владее со државата од нејзиното основање кон крајот на 1940-тите, рекоа пратеници што добиле известување од националната разузнавачка служба.
„Северна Кореја ја навести Ким Џу Ае како кандидатка за наследник и во овој момент добива лекции за тоа како успешно да го наследи нејзиниот татко“, изјави пратеникот Ли Сеонг-квеун од владејачката Партија на моќта на народот за новинарите по седница на парламентот. „Тие ги приспособуваат нивото на пропаганда и зачестеноста на нејзиното појавување, земајќи ја предвид реакцијата на јавноста за неа“, рече Ли.
Џу Ае првпат се појави во севернокорејските државни медиуми во ноември 2022 година, во надуен бел зимски мантил, држејќи го за рака својот татко, за да прошета покрај проектил со нуклеарен капацитет, дизајниран да уништи американски град. Оттогаш таа се појавува на тестови за оружје, државни, па дури и на спортски настани, секогаш со својот татко.
Се чини дека улогата на ќерката на Ким во државната пропаганда е да покаже пред јавноста дека уште една генерација се подготвува да ја води семејната династија и таа ќе се потпира на нуклеарното оружје во своето владеење.
Јужнокорејската шпионска агенција ја определи нејзината возраст на околу 11 години и верува дека таа е второто од трите деца на Ким и неговата сопруга Ри Сол Џу. Еден од најголемите моменти на Џу Ае беше во февруари 2023 година, кога таа им се придружи на мајка си и татко си на банкет во чест на војската и беше ставена во центарот на фотографијата со некои од најмоќните членови на вооружените сили.
Ниту едно друго дете на севернокорејски лидер никогаш не било прикажано на таков начин на толку рана возраст, а нејзиното појавување ја прекина традицијата да се држат децата на лидерот подалеку од очите на јавноста додека тие не станат дел од државниот апарат.
Повеќе детали прочитајте на овој ЛИНК.
