Хрватскиот Институт ИГХ го смени директорот на подружницата што во февруари годинава ја отвори во Велес, Македонија. На местото на Домагој Шимуновиќ е назначен Роберт Петросиан. Уписот веќе е регистриран во Централниот регистар. Оваа компанија стана позната во земјава откако Јавното претпријатие за државни патишта (ЈПДП) со неа склучи договор за надзор врз изградбата на државните автопатишта, па и го раскина летоска затоа што Хрватите не обезбедиле банкарска гаранција. Потоа во септември гоиднава за ИГХ, првиот вицепремиер Артан Груби тврдеше дека е фирма во руска сопственост и сите средства кои ги поседува се во руска банка. Тој во телевизиско гостување изјави дека информацијата ја дознале откако во јули бил склучен договорот за надзор и затоа алудираше во изјавата дека можеби е добро што договорот со ИГХ подоцна во август беше раскинат затоа што ако останало така ова можело да биде некое сценарио за „минирање“ на изградбата на Коридорот 8 и американската компанија Бехтел и Енка која е изведувач на градежните работи.
„Кога проверивме, излезе дека хрватската компанија е во руска сопственост и во Управниот одбор исто така има Руси кои се поврзани со државата.Сите средства оваа компанија ги имала во руска банка, изјави Артан Груби при гостувањето.
Договорот за надзор беше склучен на 3 август годинава помеѓу ЈПДП и фирмата носител на групата понудувачи Институтот ИГХ од Загреб. Вкупната вредноста на договорот изнесуваше 22,6 милиони евра, а загребската фирма на тендерот настапи заедно со македонската фирма „Институт за патишта“ со седиште во Велес.
Инаку, во првата половина од оваа година, според извештајот испратен до Загребската берза, ИГХ остварила нето загуба од 3,7 милиони куни (над 480 илјади евра), што, за волја на вистината, е значително подобро од нето загубата од 45,3 милиони куни (5,9 милиони евра) забележана во истиот период во 2021 година. На ниво на цела 2021 година, според податоците на Фина, остварена е загуба од 51,07 милиони куни (6,6 милиони евра) со вкупни оперативни приходи од 182,46 милиони куни (23,7 милиони евра).
ИГХ, како компанија која се претставува како водечка проектантска, консултантска и научна институција која се занимава со истражување и развој во градежништвото, освен во Хрватска, е присутна, како што наведува на нивната веб-страница, на 12 пазари, меѓу кои се Италија, Словенија, Босна. и Херцеговина, Србија, Црна Гора, Косово, Македонија, Албанија, Бугарија, Романија, Украина и Грузија.
.webp){kind=icon}
Во моментов нема коментари за веста. Биди прв да коментира...