.webp){kind=icon}
Се очекува бруто-домашниот производ (БДП) во С. Македонија да има позитивен раст, но побавен од претходната година, додека словенечкиот и хрватскиот БДП ќе опаѓаат, изјави главниот аналитичар на „Блумберг Адрија“, Андреј Кнез, објавувајќи го најновиот регионален извештај на неговиот аналитички тим.
Аналитичкиот тим на „Блумберг Адрија“ очекува реалниот раст на БДП во Македонија во 2022 година да биде малку понизок во однос на претходната година oдносно поизразено забавување да има во 2023 година.
„Иако е сè уште позитивен, стапките на раст на приватните трошоци и реалните инвестиции ќе бидат многу пониски отколку во претходните две години. Тоа ќе биде одраз на влошеното инвестициско расположение во услови на геополитичка нестабилност и долгата борба против високата инфлација. Зголемувањето на трошоците за средствата и помалку расположливиот капитал се дополнителни фактори за побавниот раст на инвестициите понатаму“, сметаат нашите аналитичари.
Прочитај повеќе
Адрија-анализа: Регионот со една нога во рецесија во 2023
Падот кај извозот на стоки, потрошувачката и инвестициите клучен за послабиот раст
19.10.2022
Оттаму додаваат дека расходите на домаќинствата ќе бележат побавен раст бидејќи граѓаните ќе ги променат навиките за трошење поради зголемените трошоци за живот.
„Во извештајот гледаме еден микс од бројки на БДП за нашиот регион - од една страна ја имаме Словенија, за која очекуваме пад на БДП, од друга страна ја имаме Хрватска, каде што имаме симболичен пад на БДП, односно попрво би можеле да го наречеме стагнација, а потоа е остатокот од регионот, каде што може да се забележи позитивен раст, но многу побавен отколку што забележавме минатата година. Трите клучни двигатели зад ваквите проекции се претежно личната потрошувачка, која е послаба од порано, како и извозот и инвестициите“, изјави Кнез за ТВ „Блумберг Адрија“.
