Данска ја престигна Швајцарија како најконкурентна економија во светот, откако нордиската земја успеа да ги надмине многу успешно предизвиците на пандемијата.
Данска се искачи од третото место во 2021 на првото годинава, што се случува за прв пат во 34-те години во кои IMD Business School го објавува своето Светско рангирање за конкурентност.
„Данска е дигитално најнапредната земја во светот и сега го зазема првото место благодарение на добрите политики, предностите што ги дава да се биде европска земја, јасен фокус на одржливоста и притисокот од нејзиниот агилен корпоративен сектор“, изјави Артуро Брис, професор во ИМД со седиште во Лозана, Швајцарија.
Bloomberg Mercury
Заедно со другите нордиски нации, данската економија помина подобро во затворањата за време на пиковите на пандемиската криза од повеќето нејзини богати конкуренти, помогната од силните мрежи за социјална заштита, ниските нивоа на долг и дигиталниот напредок, како и помалата зависност од туризмот. Невработеноста во Данска е на најниско ниво во последните 14 години, а бруто домашниот производ најверојатно ќе се зголеми за 3,4 отсто оваа година.
Македонија не е на листата на која се анализирани 63 земји од светот. Од земјите во регионот, рангирана е Хрватска која се најде на 46 позиција, што е за 13 места погоре во однос на претходната година. Словенија е во 2022 година на високото 38 место, со скок од 2 места за една година. Бугарија е на 53 место.
.webp){kind=icon}
