.webp){kind=icon}
Бугарија и Турција се најевтините туристички дестинации ова лето, а Хрватска е меѓу најскапите, покажуваат бројките од редовната годишна споредба на цените што ги објавува Британската пошта. Според овогодинешното рангирање, најповолни дестинации се Сончев брег во Бугарија и Мармарис во Турција.
Најскапи, пак, се популарната шпанска дестинација Ибица и италијанскиот регион Пуља. Пореч, единствениот претставник на Хрватска на листата годинава, е на петтата позиција меѓу шеснаесет дестинации рангирани по цената.
Британска пошта годишно објавува споредба на цените на европските туристички дестинации за своите корисници. Тоа е дел од асортиманот на услуги што ги обезбедува како што се менување на валута, трансакции со пари и неколку други поврзани со патување и туризам.
Тоа е едноставна споредба на 12 цени за нешто што може да му треба на просечниот турист за време на престојот во некој град, без цените за сместување. Во пресметката е вклучена цената на кремот за сончање, сладолед, шише Кока Кола и шише пиво, чаша вино, изнајмување лежалка, вечера за тројца и слично.
И покрај фактот дека споредбата е релативно едноставна, таа дава доволно информации каде туристите можат да очекуваат да добијат повеќе за своите пари.
Најповолно надвор од еврозоната
Овогодинешната листа вклучува 16 дестинации од девет туристички јужноевропски земји - од Португалија до Шпанија, Италија и Хрватска, па сè до Кипар. Според пресметката, вкупната цена на дванаесетте артикли на списокот во Сончев Брег, Бугарија е 85,63 фунти, додека во Мармарис, Турција, истите артикли се само за нијанса поскапи и изнесуваат 86,07 фунти.
Од друга страна, во најскапата Ибица, за 12 артикли од списокот треба да платите 186,47 фунти, значи повеќе од двојно. Многу слични се цените на југот на Италија, во Пуља, каде вкупниот трошок е 185,81 фунти. Во Хрватска, во Пореч се плаќа противвредност од 154,75 фунти за 12 ставки од списокот, што значи дека Пореч е за 80 отсто поскап од најевтиниот Сончев Брег, а за 17 отсто од Ибица.
Во соопштението за печатот на Британската пошта, се посочува дека и двете најевтини дестинации се „надвор од еврозоната“ и дека има 20 проценти разлика меѓу цените во нив и следната најскапа дестинација.
Цените се претвораат од локални валути во фунти, што значи дека достапноста на одредена дестинација зависи и од движењето на курсот на локалната валута. Поединечно, Пореч е најскап само во една ставка, цената на шише Кока-Кола во кафуле, која се претвора во 3,12 фунти. Тоа е повеќе од четири пати поскапо од најефтината дестинација.
Цените беа собрани во Британската пошта со помош на туристичката агенција Туи и локалните туристички канцеларии.
Зголемување на цените
Според соопштението, цените во повеќето дестинации се повисоки отколку во 2019 година, во предпандемиската сезона. Во Турција цените речиси двојно се зголемија, но поради падот на вредноста на локалната лира Мармарис „ја задржа одличната вредност“.
Британските гости се важен извор на приход за хрватскиот туризам. До 2019 година, бројот на гости од Велика Британија во Хрватска растеше од година во година - од 430 илјади туристи и 2,1 милиони ноќевања во 2014 година на 860 илјади британски гости и 4,3 милиони ноќевања во 2019 година.
Според последните достапни податоци на Хрватскиот туристички одбор за првите шест месеци од оваа година, Велика Британија до крајот на јуни влезе во петте најважни пазари за туристи во Хрватска со 238.000 пристигнувања и речиси 1,1 милион ноќевања до крајот на јуни.
