Откако неодамна одекна веста дека хрватската компанија „Мплус“ презела 51 отсто од словенечката прехранбена компанија „Панвита“, словенечките медиуми пишуваат дека наскоро се очекува промена на сопственоста во компанијата за преработка на месо од Целје „Целјске меснине“ (Celjske mesnine).
Според засега непотврдени информации, за „Целјске меснине“ е заинтересирана хрватската компанија „Месна индустрија браќа Пивац“ (Mesna industrija braca Pivac) од Вргорац.
Од „Пивац“ за „Блумберг Адрија“ не сакале да ги потврдат или да ги негираат овие информации. „Не можеме да коментираме шпекулации, во случај на какви било вести за работењето на Групацијата „Пивац“ на словенечкиот пазар, навреме ќе ве известиме“, одговорија на нашето прашање.
Добро информиран извор запознаен со состојбите во индустријата посочува дека „Пивац“ прави паметни купувања, па затоа стекнувањето на „Целјске меснине“ има смисла.
„Словенечката економија рапидно расте, Европската комисија очекува дека Словенија до 2029 година ќе има БДП по глава на жител повисок од оној на Италија, како и дека ќе стане првата од земјите од Источна Европа што ќе влезе во друштво на најразвиените земји од Западна Европа. Значи, ако „Пивац“ го купува не само бизнисот, туку и недвижниот имот, тој ќе порасне десеткратно, а покрај тоа доаѓа и на пазар кој ќе биде еден од најразвиените во Европа во многу развиен дел од земјата нема да има никакви логистички проблеми, бидејќи Лидл има свој логистички центар, така што секако е паметен потег“, смета нашиот извор.
Не е јасно дали „Целјске меснине“, во случај на продажба, ќе биде целосно или само делумно во сопственост на „Пивац“, ниту во која фаза е потенцијалниот процес на продажба.
Инаку, стопроцентен сопственик на компанијата „Целјске меснине“ е ЦМ Инвест, со седиште во Клангенфурт, Австрија, чија сопственост ја делат компаниите „Амур инженеринг (60 отсто) и МИФ Инвест (40 отсто). Основач на „Амур“ е Изидор Кривец, кој ја извршува и функцијата директор на „Целјске меснине“, додека 90 отсто од сопственоста на МИФ Инвест е во рацете на Данило Дујовиќ, кој врши должност на супервизор во „Целјске“ меснина.
.webp){kind=icon}
Во моментов нема коментари за веста. Биди прв да коментира...