Српскиот помошникот министер за градежништво, транспорт и инфраструктура, Вељко Ковачевиќ, денеска изјави дека поради тринеделниот прекин на пловидбата по Дунав во Бугарија, во секторот Белане, заробени се повеќе од милион тони јаглен кои од бугарските рудници треба да пристигнат во Србија.
Ковачевиќ за српската новинска агенција „Танјуг“ изјави дека во тек се преговори со властите во Бугарија за истовар на српска механизација во Белане, со цел да се овозможи премин на бродовите и додаде дека водениот сообраќај низ Србија функционира без проблеми, иако на сила има ограничувања поради ниските нивоа на водата.
„Низводно од Србија во секторот Белане, пред три недели имаше целосен прекин на пловидбата, а романска машинерија излезе на терен за да изврши превентивна работа со цел да се создаде одредено ниво на пловност кај Белане, а во моментот преговараме со Бугарите да ни испратат помош и дел од механизацијата. Во тој дел има уште два критични сектора каде може да има целосен прекин на пловидбата“, објасни помошник министерот.
Кога станува збор за Србија, Ковачевиќ вели дека на сила се одредени рестрикции, но дека засега нема прекин на пловидбата по водните патишта низ земјата.
Се проценува дека прекинот на водениот сообраќај во Бугарија има големо влијание врз српската економија, бидејќи не само што е отежнат транспортот на енергенси, туку и тешко е да се извезуваат и увезуваат жита и ѓубрива, како и суровини што ги користат железарниците.
Ковачевиќ додаде дека е добро што преку Дунав во Србија доаѓаат големи количини јаглен од Романија од пристаништата Оршава и Туну Северин.
Како што рече, кога српска машинерија ќе биде распоредена во секторот Белане во Бугарија, Србија повеќе нема да зависи од природни катастрофи, ниту пак од бугарската администрација.
.webp){kind=icon}
