text size
Претседателот Доналд Трамп изјави дека севернокорејскиот моќник Ким Џонг-ун одговорил на барањата двајцата лидери да разговараат, додека Трамп се обидува да го намали интензитетот на воените вежби со Јужна Кореја, традиционален сојузник на САД.
На прашањето на новинар во понеделникот во Овалната соба дали Ким одговорил на барањата за разговори, Трамп рече „да“, без да образложи. Претседателот го нарече развојот на настаните „многу позитивен“. Белата куќа одби да даде дополнителни детали.
„Ким Џонг-ун отсекогаш се однесувал кон мене со голема почит“, рече Трамп. „Јас го разбирам; тој ме разбира мене“.
Претходно, Трамп се закани дека ќе го бомбардира Оман ако земјата и застане на пат на американската блокада на иранските бродови во Ормускиот теснец, објави Фокс њуз.
Во телефонско интервју, Трамп изјавил за телевизијата дека ако „Оман се замеша, ние жестоко ќе ги бомбардираме“. Тој исто така рече дека блокадата врши притисок врз Иран и дека нема временска рамка за решавање на конфликтот, изјавувајќи дека не брза. Во меѓувреме, бензинот повторно поскапе.
Добро утро, ви пишува Игор Петровски од дигиталната редакција на „Блумберг Адрија“. Ова се петте вести за почеток на денот што ги одвоивме за вас.
Време ли е со индивидуални инвестициски сметки да се прероди пазарот на капитал во Македонија?
Може ли да се поттикнат македонските граѓани своите заштеди да ги инвестираат во акции, обврзници и други инструменти преку модел што ќе овозможи поволни даночни олеснувања, а со цел да се вбризгаат свежи пари на пазарот на капитал е прашање кое заслужува внимание ако се земе предвид дека се повеќе земји од регионот и Европа се одлучуваат на овој чекор преку воведување на таканаречени индивидуални инвестициски сметки.
Словенија веќе го воведе овој модел на инвестирање, а Хрватска се подготвува да почне во 2027 година. Анализиравме какви се регионалните искуства и кои би биле главните придобивки од воведување на индивидуални инвестициски сметки во Македонија.
Волстрит очекува натамошен раст на индексот S&P 500, ВИ и профитите се клучни за подемот
„ЏП Морган“, „Голдман“ „Морган Стенли“ и „Сити“ и понатаму имаат позитивен став кон американските акции и очекуваат индексот S&P 500 да ја заврши годината над сегашните нивоа.
Сепак, зад овој оптимизам стојат очекувањата за продолжување на силниот раст на корпоративните профити, натамошни инвестиции во вештачка интелигенција и доволно отпорна американска економија.
ВИ гигантите ќе заработат еден билион долари годинава. Но, тоа може да не биде доволно
Далеку зад нас се деновите на технолошките бизниси сиромашни со капитал и богати со паричен тек, како што се интернет пребарувањето, е-трговијата и социјалните медиуми. Играта сега е вештачка интелигенција (ВИ), и подобро е да имате цврсти средства и длабоки џебови за играње, пари што малку компании ги имаат на располагање.
„Енвидија“ и хиперскалерите, група што ги вклучува „Мајкрософт“, „Амазон“, „Алфабет“, „Мета“ и „Оракл“, веќе вложија билиони заедно во проекти поврзани со вештачката интелигенција, со дури 4,2 билиони долари преку долгови и договорни обврски. Многу луѓе почнаа да се прашуваат дали овие инвестиции ќе се исплатат, но тоа претпоставува дека компаниите можат да си дозволат толку огромни суми за почеток - и да продолжат да ги задоволуваат навидум незаситните капитални потреби на вештачката интелигенција.
Семејни канцеларии вложија милијарди во „Спејс екс“ на Маск
Инвестициските фирми кои ги застапуваат најбогатите поединци од Северна и Јужна Америка, Европа и од Блискиот Исток вложиле милијарди долари во „Спејс еск“ (SpaceX), со што се потврди дека можат да се изборат за место во најатрактивните инвестициски проекти.
Повеќе од десет семејни канцеларии држеле вкупно најмалку 3,8 милијарди долари во компанијата во текот на првата половина на 2026 година, покажуваат пријавите. Некои од нив, вклучувајќи ги и „Тао капитал“ на Прицкер (Tao Capital) и династијата Мореира Салес, која стои зад една од најголемите бразилски банки, инвестираат и во „Тесла“, втората јавно котирана компанија од деловното царство на Маск.
Може ли Македонија да стане засолниште за љубителите на книги?
Идејата за совршен одмор сè помалку се мери со исполнет распоред. Новиот луксуз е неколку дена без брзање, со добра книга, тивка околина и време за себе. Пребарувањата на „Пинтерест“ за идеи за книжевни собири и одмори инспирирани од читањето се зголемиле за 265 отсто, додека на „Врбо“ бројот на рецензии во кои се споменуваат термини како „библиотека“ или „ретрит за читање“ речиси се утроил на глобално ниво.
Истовремено, според податоците објавени во годишниот извештај за туристички трендови „Unpack ’26“, дури 91 отсто од патниците кои ги користат услугите на оваа платформа за резервации на приватни сместувања бараат одмори посветени на читање, релаксација и квалитетно време со најблиските.
.webp){kind=icon}
