text size
Германските индустриски нарачки пораснаа повеќе од очекувањата на аналитичарите, што претставува уште еден сигнал дека долгоочекуваното закрепнување на најголемата европска економија конечно почнува да добива замав.
Побарувачката во јуни се зголемила за 3,1 отсто, по нагорната ревизија на растот од 0,3 отсто во мај, соопшти германскиот Завод за статистика во четвртокот. Тоа е втор последователен месечен пораст и резултат што ја надмина дури и највисоката прогноза во анкетата на „Блумберг“.
Најголем придонес за растот имале производите од машинската индустрија, како и опремата за обработка на податоци, електронската и оптичката опрема. Зголемувањето главно било поттикнато од големи поединечни нарачки, додека нарачките без оваа категорија бележеле намалување. Помалку променливиот тримесечен показател покажал подобрување од 1,3 отсто.
Прочитај повеќе
„Порше“ ќе укине 5.000 работни места до 2035 година
Новиот план на „Порше“ е дел од пошироката програма за намалување на трошоците во групацијата „Фолксваген“, која е под силен притисок поради слабеењето на кинескиот пазар.
27.07.2026
„Фолксваген“ влегува во нов квартал со пад на продажбата, Кина е кочницата
Новите електрични модели треба да му помогнат на „Фолксваген“ да ја подобри добивката до крајот на годината, и покрај тоа што компанијата се бори со слабата побарувачка во Кина и високите трошоци.
24.07.2026
Мерц бара разговори со Кина за курсот на јуанот поради трговските тензии
Европската Унија ги интензивира напорите за намалување на трговскиот дефицит со Кина, а германскиот канцелар Фридрих Мерц повторно повика на разговори за курсот на јуанот.
13.07.2026
„Фолксваген“ под притисок: директорот бара големи кратења на трошоците
Оливер Блум од „Фолксваген“ (Volkswagen AG) помина речиси четири години барајќи заштеди кај најголемиот европски производител на автомобили. Во четврток, извршниот директор ќе се обиде да ги убеди неговите спротивставени фракции дека е потребно многу повеќе.
08.07.2026
Овој резултат ja продолжува серијаta охрабрувачки економски податоци од Германија во последниот период, кулминирајќи со раст на економијата во вториот квартал кој ги надмина очекувањата, како и со нагорна ревизија на економската активност во првиот квартал.
Индексите за деловна активност и деловна доверба, исто така, беа подобри од предвидувањата, поттикнати од големите јавни фискални инвестиции и пакетот владини реформи во области како пензискиот систем и намалувањето на бирократијата.
„Оптимист сум бидејќи реформите навистина ме изненадија“, изјави Карстен Јуниус, главен економист во Банк Сафра сарасин“, пред објавувањето на извештајот.
„Инвестициите во инфраструктурата и одбраната треба значително да влијаат врз германската економија, која покажува голема отпорност и покрај војната во Иран. Според мене, цикличен економски подем во следните две години е речиси неизбежен со оглед на реформите и сите тие финансиски средства“, додаде тој.
Сепак, повисоките цени на енергенсите предизвикани од конфликтот на Блискиот Исток и натаму претставуваат товар за германската економија, која е силно зависна од енергија. Дополнителен предизвик се и рекордно ниските нивоа на водата во реката Рајна, една од најважните транспортни артерии за превоз на стоки во Западна Европа.
.webp){kind=icon}
