Прелиминарните прогнози за движењето на стапката на инфлација, кои ги објави Еуростат, покажуваат дека во октомври во еврозоната годишната стапка на инфлација достигна 10,7 отсто. Тоа претставува дополнителен раст во однос на септемвриските податоци, кога инфлацијата изнесуваше рекордни 9,9 отсто. На растот на цените во 19-те држави од еврозоната најмногу влијаат цените на енергентите, кои пораснаа за речиси 42 проценти во последните 12 месеци, покажуваат податоците на Еуростат.
Ако се гледаат поединечно државите од еврозоната, балтичките држави и натаму се со стапка на инфлација од над 20 отсто. Поточно, Естонија бележи раст на цените од 22,4 отсто во последните 12 месеци, инфлацијата во Литванија е 22 проценти, а во Летонија 21,8 отсто.
Најмал раст на цените се забележува во Франција, Шпанија и Малта. Во Франција цените во октомври биле за 7,1 отсто повисоки од истиот месец лани, во Шпанија растот на цените е 7,2 проценти, додека инфлацијата на Малта е 7,5 отсто.
Прочитај повеќе
Германија неочекувано расте, Шпанија и Франција со побавен економски раст
Германија и Шведска се позитивни примери, додека економиите во Шпанија и во Франција се под очекувањата.
28.10.2022
Високата стапка на инфлација значи дека не може да се очекува во скоро време Европската централна банка да размислува за ублажување на политиката за покачување на референтната каматна стапка. Тоа дополнително ги зголемува очекувањата за рецесија во еврозоната, бидејќи високите каматни стапки ги намалуваат инвестициите на компаниите.
.webp){kind=icon}
