Производствената активност во еврозоната е падната на најниско ниво од првите заклучувања поради Ковид-19 во 2020 година, бидејќи рекордната инфлација и слабеењето на глобалната економија ја намалуваат побарувачката за стоки.
Сите најголеми економии во блокот, освен Ирска, забележале продлабочување на падот во октомври, според анкетите од S&P Global на менаџерите за набавки, објавени во средата. Шпанија е најтешко погодена, а веднаш зад неа е Германија, која е меѓу најизложените на намалувањето на руското снабдување со енергија.
Прочитајте повеќе: Германските менаџери сега се позагрижени отколку за време на ковид
Податоците „сега јасно сигнализираат дека производствената економија е во рецесија“, изјави економистот на S&P Global, Џо Хејс. „Факторите кои веројатно ќе го влошат падот ја вклучуваат инфлацијата, која останува тврдоглаво висока и покрај постојаните докази дека притисоците во синџирот на снабдување се намалуваат“.
Истражувањата во Азија неделава исто така покажаа забавување на фабричките активности, што е дополнителен доказ дека светската економија се лади. Се предвидува дека 19-члената еврозона ќе западне во рецесија поради зголемените цени на енергијата и несигурноста поттикната од руската војна во Украина, дури и откако таа остана изненадувачки отпорна во трите месеци до септември.
.webp){kind=icon}
