Растот на француските хипотекарни кредити во септември забави на најслабо темпо оваа година, поради тоа што зголемувањето на каматите од страна на Европската централна банка (ЕЦБ) ја намалува побарувачката во втората по големина економија во еврозоната.
Ненамирените кредити за станови пораснаа за 6,2 проценти во однос на претходната година, додека во август нивниот раст беше 6,3 проценти, а Француската централна банка рече дека показателите сигнализираат натамошно забавување на шест проценти во октомври.
Просечната каматна стапка за нови станбени кредити се проценува на 1,79 процент во октомври, што е највисока камата од 2016 година. Забавениот пазар на станбени кредити претставува првичен показател за напорите на ЕЦБ во борбата против растечката инфлација, која почнува да влијае на економската активност.
Прочитај повеќе
Каматите за хипотекарни кредити во САД се највисоки од 2002 година
Ефективната 30-годишна фиксна каматна стапка порасна на 7,21 отсто и е највисока од 2002 година
19.10.2022
Голем раст на каматите на хипотекарните кредити во Германија
Цената на хипотекарните кредити во Германија се зголеми на највисоко ниво во последната деценија
04.11.2022
Bloomberg Mercury
Банките, исто така, велат дека понудата на кредити е проблем во Франција, бидејќи ограничувањето на покачувањето на хипотекарните каматни стапки ги спречува во давањето кредити за некои од ризичните домаќинства.
Сепак, Француската централна банка рече дека кредитирањето е на пат да достигне рекордно ниво оваа година, што покажува и заздравување од ковид-пандемијата.
Француските потрошувачи, пак, имаат пониски трошоци за задолжување за недвижности во споредба со граѓаните од другите големи европски економии, главно поради правилата што ограничуваат колку брзо банките може да ги зголемат каматните стапки.
Според податоците на ЕЦБ, цените на задолжувањето за купување недвижности во Германија во септември достигна 3,03 отсто.
.webp){kind=icon}
