.webp){kind=icon}
Европската централна банка (ЕЦБ) предупредува на сѐ поголеми разлики во стабилноста на сите чинители, од финансиските институции до владата и домаќинствата, додека економските прогнози се влошуваат, а надлежните се борат со рекордна инфлација.
„Големите трошоци за живот ја нагризуваат способноста на луѓето да ги сервисираат долговите, додека сѐ полошите изгледи за раст во Европа ги загрозуваат корпоративните профити“, истакнаа од ЕЦБ во својот преглед на финансиската стабилност.
Исто така, оттаму ја потенцираа и потенцијалната опасност за јавните финансии, бидејќи владите се задолжуваат за да го ублажат влијанието од енергетската криза врз понатамошниот пад на акциите и велат дека цените на недвижностите може да го достигнат врвот по повеќегодишниот раст.
Bloomberg Mercury
„Луѓето и компаниите веќе чувствуваат влијание од растечката инфлација и забавувањето на економските активности. Нашата процена е дека ризиците за финансиска стабилност пораснаа, додека техничката рецесија во еврозоната стана поверојатна“, рече потпретседателот на ЕЦБ, Луј де Гвиндос.
Мешавината од голем пораст на цените и пад на производството поради руската војна во Украина претставува предизвик за креаторите на политиките, но и за инвеститорите. ЕЦБ го започна својот најагресивен циклус на зголемување на каматните стапки за да спречи вкоренување на инфлацијата, дури и во услови кога се заканува економски пад. Зголемувањето ќе продолжи, а ќе се определат и чекорите за намалување на портфолијата на обврзници на централните банки од пет илјади милијарди евра.
Ризичните имоти остануваат чувствителни на неизвесните прашања за инфлацијата, како и на монетарните политики и економските движења, велат од ЕЦБ.
Надлежните изразија загриженост дека натамошните осцилации може да предизвикаат поголеми проблеми на пазарот на деривати, кои веќе се потресени од скокот на цените на енергијата. Маржите одиграа улога во неодамнешните финансиски превирања во Обединетото Кралство, откако Владата изненади со најавите за сеопфатно намалување на даноците.
„Во меѓувреме, банките следната година можеби ќе мора да издвојат повеќе пари за лоши кредити“, наведуваат од ЕЦБ и додаваат дека и натаму остро се влошуваат економските изгледи и прогнозите за краткорочните каматни стапки.
Од ЕЦБ велат дека се чини дека нивните проекции се поконзервативни од тие на аналитичарите што ја следат индустријата.
Bloomberg Mercury
„Зголемувањето на каматните стапки ја оптоварува фискалната позиција повеќе отколку што се очекуваше претходно. Како такво, натамошното влошување на условите може да го промени пазарното расположение кон некои од поранливите издавачи на државни обврзници во еврозоната“, се наведува во извештајот од банката.
Поединечно, пазарот на недвижности може да биде пресврт, зашто порастот на трошоците за позајмување ја намалува побарувачката за нови кредити.
