Двајца од водечките германски министри се во несогласување околу потенцијалното воведување на плафон за готовинските трансакции. Ненси Фезер сака ограничување на физичките плаќања „значително под 10.000 евра“ (10.400 долари).
Ова ќе ја намали опасноста од „прикривање на имотот од страна на криминалци“, им рече на новинарите во Берлин во средата министерката за внатрешни работи, која е член на социјалдемократите на канцеларот Олаф Шолц.
Сепак, министерот за финансии Кристијан Линднер, кој ги предводи Слободните демократи, пријателски настроени кон бизнисот, во принцип се противи на ограничувањата за готовинските плаќања.
„Во моментов нема договор во рамките на германската влада да го одобри предлогот на Европската комисија за ограничување за плаќање готовина ширум ЕУ од 10.000 евра“, одговори Министерството за финансии на „Блумберг“.
Судирот доаѓа во позадината на предлогот на Европската унија да се воведе плафон за готовина во целиот блок од најмалку 10.000 евра до крајот на годината - со опција да се постават уште пониски национални ограничувања.
Други земји, вклучително и Франција, Италија или Холандија веќе имаат имплементирано правила за ова. Доколку Германија не се согласи со предлогот на извршната власт на ЕУ, лимитот сепак може да се воведе со квалификувано мнозинство од земјите-членки.
„Претпоставувам дека предлогот на ЕУ ќе помине. Прилично сум сигурен дека ќе има мнозинство за готовинскиот лимит од 10.000 евра“, рече Фезер на прашањето дали таа и Линднер размениле мислења на оваа тема.
„Сигурна сум дека ќе дојдам до решение со германскиот министер за финансии“.
Претседателот на Федералната канцеларија за криминалистичка полиција, Холгер Минх, го поддржувa предлогот на Фезер, посочувајќи дека Германија во моментов е премногу привлечна особено за куририте со готовина и дека властите имаат потешкотии да се справат со нив.
.webp){kind=icon}
