НАСА: Русија „ожнеала“ милијарда долари од украинските полиња

Украина изгубила најмалку 1 милијарда долари пченица што била ожнеана во областите контролирани од Русија, покажува истражувањето со помош на сателитски снимки од програмата за безбедност на храна и земјоделство на НАСА.

Анализата дава идеја за тоа што се случувало во окупираните територии, каде што информациите се строго контролирани. Користи модел за машинско учење кој открива промени во текстурата и бојата врз основа на временска серија сателитски снимки за да мапира каде се собрани или оставени неожнеани култури.

Речиси 6 милиони тони пченица биле собрани од области кои не се под украинска контрола, според НАСА. Околу 88 проценти од зимските култури засадени во окупираните области биле собрани, додека неожнеани останале површините долж линијата на фронтот.

Истражувањето го поставува прашањето што се случува со тие култури. Руските бродови извезуваа жито од окупираните области во земји, вклучително Либија и Иран, но тешко е да се процени обемот се прикрива потеклото на товарот. Русија негираше дека крадела жито, но официјалните лица јавно го промовираа продолжувањето на испораката на жито од окупираните пристаништа.

Украина е главен извозник на пченица и блокадата на нејзините пристаништа по инвазијата на Русија ги зголеми цените, што потенцијално ќе го направи шверцот на жито попрофитабилен. Договорот што ѝ дозволува на Украина да го продолжи извозот помогна да се намалат цените на житото, но тие сè уште остануваат историски високи.

Речиси една четвртина од пченицата во Украина се одгледува на земја што Русија тврди дека ја анектирала, иако дел од таа територија е контролирана од Украина. Проценките на НАСА важат само за пченицата и ги исклучуваат другите култури или прехранбени производи што се чувале во складиште. Наодите не покажуваат што се случило со посевите откако биле собрани.

Тимот на НАСА „Жетва“ пресмета дека земјоделците собрале 26,6 милиони тони пченица оваа година во Украина, неколку милиони тони повеќе од другите водечки прогнози.

Главниот обвинител во Швајцарија, водечки центар за тргување со стоки предупреди дека комерцијализацијата на ограбените суровини може да претставува воено злосторство.

Главниот украински одгледувач „ХарвИст“ (HarvEast) рече дека сите зимски посеви што ги засадиле на својата земја во регионот на Доњецк биле собрани од окупаторските сили ова лето.

„Оваа година зимската пченица даде многу висок принос за овој регион поради поволните временски услови“, рече главниот извршен директор Дмитриј Скорњаков. 

„Се што беше собрано на нашите ниви беше украдено и извезено од Украина“. 

Во моментов нема коментари за веста. Биди прв да коментира...

Остави коментар