Француската економија се движи кон нагло забавување оваа зима, од кое постепено ќе заздравува. Вакви се прогнозите на Банката на Франција, со кои дополнително се фрла сомнеж за економскиот оптимизам на владата на претседателот Емануел Макрон.
Послабата побарувачка за францускиот извоз, посилната инфлација и повисоките каматни стапки од предвидените значат дека централната банка предвидува забавување на растот на само 0,3 проценти во 2023 година, а тоа е далеку помалку од еден отсто, колку што запиша во буџетот Министерството за финансии. Се вели дека рецесијата не може да се исклучи, иако таа би била привремена и ограничена.
„Откако покажа добра отпорност во поголемиот дел од 2022 година, активноста ќе помине низ две различни фази: нагло забавување од оваа зима, проследено со олеснување на инфлациските тензии, и постепено закрепнување на економскиот раст во 2024 и 2025 година“, соопшти Банката на Франција.
Ваквите изгледи доаѓаат откако националната агенција за статистика рече дека ќе биде потребно нагло забрзување во втората половина на 2023 година, за да се постигне раст од еден отсто, потребен за владата за да ја исполни целта за буџетскиот дефицит.
Коментирајќи го тој извештај во четвртокот, претставници на француското министерство за финансии рекоа дека владата стои на својата прогноза од еден отсто, бидејќи економијата се спротивставува на притисокот од цените на енергијата и ќе закрепне следната година. Банката на Франција соопшти дека постои голем степен на несигурност околу нејзините прогнози, особено во врска со снабдувањето со природен гас во Европа.
Инфлација во Франција / Bloomberg Mercury
Конечниот исход за 2023 година би можел да биде во опсег помеѓу 0,3 и 0,8 проценти проширување. Се прогнозира и дека инфлацијата, која ја погоди моќта на потрошувачката и покрај ограничените цени на енергијата што ги финансира владата, треба да достигне максимум од 7,3 проценти на крајот на 2022 година, пред да се намали на околу четири отсто во четвртиот квартал од 2023 година. И покрај тоа што притисокот од трошоците за енергија ќе се намалува во 2024 година, Банката на Франција очекува дека инфлацијата во услужниот сектор ќе се одржи, бидејќи на платите и закупнините им треба време да се приспособат.
.webp){kind=icon}
