Нот: ЕЦБ да зголеми за 50 базични поени уште најмалку двапати

Европската централна банка (ЕЦБ) треба да продолжи да ги зголемува каматните стапки за 50 базични поени на уште најмалку две средби, смета членот на Советот на гувернери, Клас Нот. Моментот кога ќе биде соодветно да се забави темпото на покачување е „сè уште далеку“, додаде тој.

„Во декември забавивме од 75 базични поени на 50 - тоа ќе остане темпото на следните состаноци“, рече Нот во интервју за La Stampa. „Ова ги вклучува барем состаноците закажани за февруари и март“, нагласи тој, додавајќи дека „мисли оти ЕЦБ ќе продолжи да ја затегнува монетарната политика до летото“.

„Во втората половина од годината, би можеле да забавиме од 50 базични поени на зголемување од по 25 базични поени“, рече Нот. „Сепак, сè уште сме далеку од тоа. Сакам да нагласам дека ова не се ни разгледува за следните две средби“, повтори тој.

Холандскиот банкар изрази слични ставови минатата недела, инсистирајќи дека е неопходно дополнително заострување на монетарната политика бидејќи базната инфлација продолжува да се забрзува и покрај падот на вкупната стапка на инфлација. Функционерите ја зголемија каматната стапка на депозитите за 250 базични поени во текот на 2022 година, на 2 отсто, додека економистите анкетирани од „Блумберг“ предвидуваат дека конечната стапка ќе биде 3,25 отсто. Според извори запознаени со дискусиите во ЕЦБ, некои банкари се за забавување на темпото на зголемување на каматите бидејќи цените на енергијата паѓаат.

Инфлацијата во еврозоната се врати на едноцифрена вредност... Но базната инфлација достигна нов рекорд Bloomberg

„Во декември го видовме првиот пад на вкупната стапка на инфлација, но тоа е целосно резултат на високата база и ниската стапка на раст на цените на енергентите“, вели Нот. „Се фокусираме на базната инфлација и за жал нема добри вести бидејќи таа сè уште забрзува. Базните инфлациски притисоци сè уште се присутни“, тврди Кнот.

Холандскиот централен банкар не е сам во тврдењата дека сè уште е рано да се попушти гасот. Претседателката на ЕЦБ, Кристин Лагард, на Светскиот економски форум (СЕФ) во Давос рече дека централната банка на еврозоната сепак мора „да ја задржи истата насока“, а слични пораки пристигнаа и од централните банки на Австрија и Финска.

„Во моментов постои ризик да направиме премалку, не премногу“, заклучува Нот.

Во моментов нема коментари за веста. Биди прв да коментира...

Остави коментар