Инфлацијата се шири во втората по големина економија во еврозоната кога станува збор за основните производи и услуги, податоци што Европската централна банка (ЕЦБ) внимателно ги следи додека одлучува колку да продолжи со затегнување на монетарната политика за да се бори против рекордниот ценовен притисок.
Одекот од минатогодишниот наплив ќе ја задржат основната мерка во Франција над нивоата предвидени во декември, дури и кога намалувањето на трошоците за енергија ја ублажува вкупната инфлација, проценува националната агенција за статистика „Инсе“ (Insee). Оттаму сега очекуваат дека темпото на зголемување на цените, со исклучок на нестабилните артикли како свежа храна и енергија, ќе ја надмине основната стапка во март и ќе остане над 5,5 проценти до јуни.
Bloomberg Mercury
Промената на двигателите на француската инфлација покажува дека битката на ЕЦБ е далеку од завршена. Креаторите на политиките веќе истакнаа слични грижи, бидејќи го оправдуваат одржувањето на темпото на зголемување на каматните стапки во првите месеци од годината. Говорејќи денеска гувернерот на Банката на Франција, Франсоа Вилерој де Галхау, рече дека основните отчитувања на податоците сè уште се премногу високи.
„Оваа природна состојба е многу важна, бидејќи монетарната политика очигледно не може да направи ништо за цените на енергијата, но монетарната политика е релевантна за оваа поширока инфлација. Монетарната политика мора да дејствува, а таа може да дејствува за да му се спротивстави на порастот на основната инфлација“, рече Вилерој на онлајн конференција.
Ажурирањето на своите економски прогнози на „Инсе“ беше попозитивно за растот во првите три месеци од 2023 година, откако бруто-домашниот производ се зголеми на крајот од минатата година, пркосејќи му на првичното предвидување за намалување. Агенцијата за статистика сега очекува пораст на производството од 0,2 отсто и во првиот и во вториот квартал. „Сепак, растот ќе треба да се забрза до двојно поголема стапка за да се достигне прогнозата на владата за раст од еден отсто за целата година“, рече економистот на „Инсе“, Жулиен Пуге.
„Очекуваме доста ограничено закрепнување на потрошувачката на домаќинствата и има мешани сигнали за инвестициите“, рече тој.
.webp){kind=icon}
