Европската централна банка (ЕЦБ) е подготвена да ги зголеми трошоците за задолжување уште за половина поен со својата одлука во март, вели претседателката Кристин Лагард.
„Многу е веројатно дека ќе ги зголемиме каматните стапки за 50 базични поени. Ова беше одлука што беше наведена на нашиот последен состанок за монетарната политика и сите бројки што ги гледавме во последните денови потврдуваат дека ова зголемување на каматните стапки е многу, многу веројатно“, рече Лагард за „Ел корео“ (El Correo) на прашањето што ќе се случи подоцна овој месец.
Движење на инфлацијата во еврозоната / Bloomberg Mercury
Потегот од таа големина ќе доведе до зголемување на стапката на ЕЦБ за 350 базични поени од јули. Малку е сигурно што ќе се случи по 16 март. Со инфлација, која сè уште е повеќе од четири пати поголема од целта на централната банка од два процента, како и рекордна базична стапка на раст на цените, некои официјални лица сугерираат дека може да биде потребно уште едно зголемување за половина поен во мај.
Инвеститорите се обложуваат на врв на стапката од четири проценти, што е многу повеќе во споредба со тековната депозитна стапка од 2,5 отсто.
„Не можам да ви кажам колку ќе одат нагоре стапките. Знам дека ќе бидат повисоки отколку што се сега и имаме уште многу работа, бидејќи не можеме да прогласиме победа над инфлацијата. Напредуваме, но ни претстои уште работа“, рече Лагард во интервјуто објавено денеска на интернет-страницата на ЕЦБ.
ЕЦБ треба да претстави нови економски прогнози по следната одлука за каматните стапки, иако Лагард не открива детали.
„Но уверена сум дека вкупната инфлација ќе се намали во 2023 година, додека базичната инфлација ќе биде поцврста во блиска иднина. И очекувам нешто подобар економски раст во споредба со стагнацијата во последниот квартал од 2022 година“, рече таа.
Лагард рече дека очекуваат позитивен раст и зголемена активност во текот на годината. Но вистина е дека постои огромна неизвесност. Запрашана за зголемувањето на стапката што потенцијално ќе му наштети на економскиот раст, Лагард ги потврди приоритетите на нејзината институција.
„Мојата главна грижа е инфлацијата. Не сакаме да ја скршиме економијата, тоа не е нашата цел. Нашата цел е да ја скротиме инфлацијата“, рече претседателката на ЕЦБ, Кристин Лагард.
Во новите економски прогнози Фед ја зголеми процената за т.н. базична инфлација, која ги исклучува храната и енергијата, на крајот на годинава од 2,5 на 2,8 проценти.
Претставниците на Фед на денешниот состанок веројатно ќе одлучат да ги задржат каматните стапки на истото ниво, купувајќи со тоа време да проценат како политиките на претседателот Трамп ќе влијаат врз економијата.
„Има многу аларми и голем број симптоми што укажуваат дека не е далеку сериозна криза за руската економија“, вели Денис Манцевич, експерт за руската економија.
Внесете ја вашата имејл-адреса на која ќе ви испратиме линк за ресетирање на лозинката.
Надминат е максималниот број уреди. Ако сте сопственик на сметката, кликнете на „Испрати најавување со е-пошта“ за да добиете е-пошта со врска за најавување. Откако ќе ја следите врската, ќе можете да управувате со уредите поврзани со вашата сметка.
.webp){kind=icon}
