Базичната инфлација во еврозоната се намали за првпат во 10 месеци, отворајќи врата за Европската централна банка (ЕЦБ) неделава да ја забави најагресивната кампања за зголемување на каматните стапки во својата историја.
Потрошувачките цени што ги исклучуваат нестабилните ставки како што се трошоците за енергија и храна се зголемени за 5,6 отсто во споредба со минатиот април - што е намалување на рекордот од 5,7 отсто во март и во согласност со просечната процена во анкетата на „Блумберг“ спроведена меѓу економистите.
Во меѓувреме, главната инфлација се искачи на 7 отсто - малку повеќе од 6,9 отсто, колку што очекуваа аналитичарите, и сè уште е далеку над целта од 2 отсто. Цените на услугите и понеповолната годишна споредба за трошоците за енергија отколку во март го поттикнаа забрзувањето.
Базичната инфлација забави за првпат од јуни
Bloomberg
Извештајот може да поттикне дебата за тоа колку ЕЦБ треба да ги зголеми трошоците за задолжување в четврток во корист на оние што се залагаат за четвртина поен.
Со оглед на тоа што мерачот на базичната инфлација сега отчитува пониски вредности, а истражувањето за банкарските заеми покажува дека кредитните стандарди се заоструваат за повеќе отколку што очекуваа кредиторите, аргументите за одржување на темпото од половина поен се ослабени.
Економистите и инвеститорите сметаат дека креаторите на политиката ќе се одлучат за помалaта од двете опции за поместување на стапките, откако веќе постигнаа 350 базични поени на затегнување од минатото лето за да го одвратат најтешкиот напад на инфлацијата во историјата на еврото.
Инфлација во еврозоната во април
Bloomberg
Пазарите на пари даваат само 20 отсто шанси за реализација на поголемо покачување - што е помалку од над 30 отсто во текот на минатата недела. Анкетата на „Блумберг“ покажа дека стапката на депозити, моментално на 3 отсто, може да достигне врв од 3,75 отсто во јули.
Што вели „Блумберг економикс“...
Отсуството на какви било нагорни изненадувања во априлската статистика за инфлацијата е главниот дел од извештајот. Комбинацијата од солиден (но не и предобар) раст на БДП, тековното влошување на условите за кредитирање и скромното опаѓање на базичната инфлација значат дека ЕЦБ најверојатно ќе зголеми за 25 базични поени в четврток наместо да натрупа уште едно џамбо-покачување.
- Џејми Раш, главен европски економист
.webp){kind=icon}
