Шпанија размислува за построги правила за издавање златни визи за странските инвеститори, објави во понеделникот весникот „Ел паис“ (El País), повикувајќи се на анонимни извори од шпанското министерство за социјално осигурување.
Според сегашните правила, тригодишни дозволи за престој им се издаваат на странски државјани што инвестираат најмалку половина милион евра за да купат куќа или стан во Шпанија. Странците можат да добијат златна виза и доколку инвестираат најмалку еден милион евра во акции или повеќе од два милиона евра во шпански државни обврзници.
Минатата година Шпанија им издаде речиси 2.500 дозволи за престој на инвеститори што купиле недвижен имот во вредност од половина милион евра или повеќе, што претставува 94 отсто од новоиздадените дозволи, според „Ел паис“.
Земјите низ Европската Унија ги преиспитуваат своите правила за издавање на т.н. златни визи. Ирска ја затвори својата програма во февруари, додека Грција соопшти дека ќе го удвои инвестицискиот праг на неколку клучни локации, вклучувајќи ја и Атина, на 500.000 евра. Владата во Португалија исто така навести дека ќе ја ревидира својата златна визна програма. На ниво на ЕУ нема дефинирани правила за добивање златна виза.
Од Канцеларијата за односи со јавноста на Министерството за социјално осигурување и економија за „Блумберг“ потврдија дека има барања за построги услови за добивање златна виза.
.webp){kind=icon}
Во моментов нема коментари за веста. Биди прв да коментира...