Цените во продавниците во Велика Британија се зголемуваат со рекордна брзина, бидејќи кризата на трошоците за живот покажува малку знаци за олеснување.
Инфлацијата на цените во продавниците забрза до девет отсто овој месец, што е нов врв за индексот по 2005 година, објави утрово Британскиот малопродажен конзорциум (British Retail Consortium). За споредба, цените во април беа со инфлаторна стапка од 8,8 проценти.
Постојат знаци дека инфлацијата се вкоренила во Велика Британија и дека брегзит ја влоши кризата на трошоците за живот. Потрошувачите му даваат приоритет на своето трошење на скапите основни работи, како храна и енергија, а намалуваат секаде каде што е можно.
„За да си помогнат во ублажување на влијанието на инфлацијата, купувачите штедат пари барајќи сезонски промоции во главните трговски центри и искористувајќи ги намалувањата на цените што ги нудат шемите за лојалност на супермаркетите“, рече Мајк Воткинс, раководител на малопродажба и бизнис-увид во „Нилсен“ (NielsenIQ), компанија што ги обработува статистичките податоци на државно ниво.
Стапката на инфлација во Британија остана многу посилна од очекуваното, со најбрз пораст на услугите и основните цени во повеќе од три децении, што ги поттикна облозите за зголемување на каматните стапки на Банката на Англија. Министерот за финансии на Велика Британија, Џереми Хант, изјави дека е за повисоки стапки за справување со инфлацијата, дури и ако тоа предизвикува рецесија.
Инфлацијата на храната во мај се намали на 15,4 проценти, што е помалку споредено со април, кога изнесуваше 15,7 отсто. Пониските трошоци за енергија и стоки значеа пониски цени на основните производи, вклучувајќи путер, млеко, овошје и риба. Сепак, Канцеларијата за национална статистика минатата недела објави бројка за инфлација на цените на храната од 19 отсто, што е блиску до највисоката стапка во повеќе од 45 години.
Хант се сретна со производителите на храна за да разговара за зголемената цена на намирниците и да побара од бизнисите да го ублажат ударот врз потрошувачите. Агенцијата за заштита на конкуренција исто така ги истражува цените на пазарите за горива и прехранбени производи, а супермаркетите се обидуваат да покажат дека не профитираат од повисоките цени на храната.
.webp){kind=icon}
Во моментов нема коментари за веста. Биди прв да коментира...