Мелони целосно ја презеде одговорноста за данокот на банките

Италијанскaта премиерка Џорџа Мелони ја презеде политичката одговорност за минатонеделната одлука да се воведе данок на банките од 40 отсто на т.н. екстра-профит, што предизвика остар пад на вредноста на акциите на италијанските заемодавци веднаш по објавувањето на одлуката.

Во изјава за италијанските дневни весници „Кориере дела сера“ (Corriere della Sera), „Ла република“ (La Repubblica) и „Ла стампа“ (La Stampa) од јужниот регион на земјата, каде што е на одмор, Мелони рече дека данокот е нејзина иницијатива и дека инсистирала владата да го усвои минатиот понеделник за да нема доцнење во неговата имплементација.

„Банките брзо ги зголемија каматните стапки на кредитите, но не ги зголемија каматните стапки на штедењето и тоа создаде диспаритет. Секако дека би го направила тоа повторно. Тоа е иницијатива што ја сакав бидејќи мислам дека треба да испрати порака за фер држава“, рече Мелони.

Акциите во италијанските банки подоцна малку закрепнаа, додека официјалните лица ги објаснија деталите за влијанието на данокот врз банките.

„Не сакам да ги казнувам банките, но се појави нерамнотежа. Со доследната и долгорочна политика на ЕЦБ за зголемување на каматните стапки, домаќинствата и компаниите се најдоа во ризик да бидат казнети“, рече Мелони.

Во моментов нема коментари за веста. Биди прв да коментира...

Остави коментар