Германското индустриско производство падна четврти месец по ред во август, бидејќи забавувањето на фабричките нарачки влијаеше врз најголемата европска економија.
Производството падна за 0,2 отсто во споредба со јули, предводено од градежништвото и енергетиката, објави во понеделникот Заводот за статистика на земјата. Економистите во истражувањето на „Блумберг“ процениле пад од 0,1 отсто. Индексот на производството го забележа најниското ниво годинава.
Bloomberg
Слабата побарувачка од Кина, недостигот од работници, високите каматни стапки и долготрајните ефекти од минатогодишната енергетска криза им наштетија на германските фабрики, а со тоа и на нејзината економија во целина. Бруто-домашниот производ веројатно се намали за 0,1 отсто во третиот квартал, а вкупно би можел да се намали дури за 0,6 отсто во 2023 година.
Претседателката на Европската централна банка, Кристин Лагард, призна дека слабеењето на економијата го оптоварува целиот регион.
„Германија изгради економски модел на многу евтини резерви на енергија и можности за извоз, особено во Кина“, изјави Лагард за „Ла трибун диманш“ (La Tribune Dimanche) во интервјуто објавено во неделата. „Тековното приспособување на германската економија влијае на изгледите за раст“.
Денешните податоци за индустриското производство се во согласност со минатонеделното читање на извозот, кој во август падна повеќе од очекуваното. Сепак, фабричките нарачки делумно закрепнаа на месечна основа.
.webp){kind=icon}
