Германскиот министер за финансии Кристијан Линднер ја отфрли идејата четиридневнта работна недела со целосна плата да стане норма во најголемата европска економија.
„Никогаш во историјата ниту едно општество не го зголемило својот просперитет работејќи помалку“, рече Линднер доцна во петокот на политички настан во Луцерн, Швајцарија.
Идејата за пократки работни недели стана популарна откако пандемијата го промени распоредот на вработените и на многумина им даде увид за тоа како различни начини на работа можат да ги подобрат нивните животи.
Пилот програмите сугерираат дека таквата поставеност може да доведе до намален стрес и анксиозност кај работниците, како и зголемена ефикасност и приходи за нивните работодавци. Околу 50 компании во Германија планираат да учествуваат во шестмесечниот проект што започнува во февруари.
„Клучот за нашиот просперитет останува напорната работа“, рече Линднер, кој ја предводи про-бизнис опцијата Слободните демократи, еден од помалите партнери во германската трипартиска коалиција.
.webp){kind=icon}
