Руската државна новинска агенција ТАСС објави дека спорната турбина за гасоводот „Северен тек 1“ е на пат назад кон Европа. Станува збор за турбина која беше на ремонт во Канада, а Русија во јуни го наведе тој ремонт како причина за намалување на испораката на природен гас преку „Северен тек“ за 60 отсто.
Бидејќи Русија е под санкции, враќањето на турбината од Канада беше под голем знак прашалник. ТАСС се повикува на весникот „Комерсант“, кој пак своето тврдење го темели на информации од лица запознаени со ситуацијата. Според нив, турбината прво треба да пристигне во Германија по воздушен пат од Канада, а конечно до 24 јули да биде вратена во Русија.
Нејзиното поставување и пуштање во употреба се очекува на почетокот на август.
Во меѓувреме, целосно е прекината испораката на гас преку „Северен тек“ поради најавеното десетдневно редовно годишно одржување. Ремонтот би требало да заврши на 21 јули, но многумина стравуваат дека Русија нема да продолжи да испорачува гас преку таа рута, што би предизвикало дополнителен шок на енергетските пазари.
„Северен тек 1“ ги поврзува Русија и Германија и е една од клучните рути преку кои гасот од Русија се доставува до Европа.
.webp){kind=icon}
Во моментов нема коментари за веста. Биди прв да коментира...