Високиот раст на платите го подобри стандардот на Британците

Животниот стандард во Обединетото Кралство продолжи да заздравува кон крајот на 2023 година, бидејќи инфлацијата се намали и работниците уживаа во поголемото зголемување на платите.

Реалниот расположлив приход на домаќинствата се зголеми за 0,7 отсто во четвртиот квартал од 2023 година, во споредба со третиот квартал кога немаше промени, објави во четвртокот Канцеларијата за национална статистика.

Бројките сугерираат дека подобрувањето на финансиите на домаќинствата може да и даде поттик на економијата на Обединетото кралство во 2024 година по рецесијата во втората половина од минатата година. Тоа ќе го зајакне тврдењето на премиерот Риши Сунак дека конзервативната влада ја враќа економијата на вистинскиот пат.

„Минатата година беше тешка бидејќи каматните стапки мораа да се зголемат за да се намали инфлацијата, но гледаме дека нашиот план функционира“, рече канцеларот на финансии Џереми Хант во изјавата. „Инфлацијата значително падна од над 11 отсто на 3,4 отсто, економијата порасна во јануари, а реалните плати растат осум месеци по ред. Намалувањата кај националното осигурување ќе го поттикнат растот со наградување на работата и враќање на повеќе од 900 фунти годишно во џебот на просечниот примател“.

Втората процена за БДП на статистичарите за четвртиот квартал потврди дека Обединетото Кралство претрпе техничка рецесија по падот за 0,3 отсто во последните три месеци од годината. Коефициентот на заштеди – колку приходи се заштедени – се зголеми на 10,2 во четвртиот квартал од 10,1 отсто во трите месеци до септември.

Сепак, неодамнешните податоци покажуваат дека економијата на Обединетото Кралство почнува да се враќа од падот, при што показателите за продажба на мало и имот покажуваат знаци на подобрување, а БДП порасна за скромни 0,2 отсто во јануари.

Иако рецесијата е дамка на досието на премиерот Риши Сунак пред изборите кои ќе се одржат подоцна оваа година, тој можеби ќе може да укаже на знаци на закрепнување. Закрепнувањето на финансиите на домаќинствата заедно со очекувањата дека каматните стапки и инфлацијата ќе паднат ги подобрија изгледите за оваа година.

Аналитичарите очекуваат инфлацијата да падне од сегашните 3,4 на под два отсто во наредните месеци бидејќи сметките за енергија дополнително паѓаат. Во меѓувреме, редовниот раст на платите останува силен на повеќе од шест отсто.

Во моментов нема коментари за веста. Биди прв да коментира...

Остави коментар