Цените на недвижнините во Велика Британија пораснаа во август, предводени од најсилниот раст во Лондон во последните шест години.
Според пресметките на Халифакс, најголемиот хипотекарен кредитор во земјата, цените на имотите се зголемиле за 0,4 отсто минатиот месец, откако претходно забележаа намалување од 0,1 отсто. Сега просечната цена на домот достигна нов рекорд од 294.260 фунти.
Растот ги надмина предвидувањата дека инфлаторната криза и зголемените хипотекарни трошоци ќе ја одземат силата на пазарот на недвижнини, кој што продолжи да расте и покрај пандемијата и последната рецесија.
"И покрај тоа што цените на куќите досега се покажаа како отпорни во услови на растечка економска несигурност, истражувањата покажуваат дека се очекува забавување на пазарната активност", рече Ким Кинард, директор на Халифакс Хипотеки.
Кинард очекува "попредизвикувачки период" за цените на недвижнините во следните месеци. Хипотекарните стапки сега се највисоки од 2016 година по шесте покачувања од декември до сега на каматните стапки од британската централна банка, Банка на Англија, како и со уште едно покачување од половина поен, што се очекува следната недела.
Годишната стапка на раст на цените на недвижнините беше 11,5 отсто, а сега таа за нијанса се зголеми и претходниот месец изнесуваше 11,8 проценти. Лондон и Велс се најсилни региони за продажба. Лондон забележа скок на цените од 8,8 отсто, споредено со минатата година, што претставува најголем раст во последните шест години, додека Велс е со најголем раст од 2005 година, за дури 16,1 отсто.
„Силно се очекува дека Банката на Англија ќе продолжи да ја зголемува каматната стапка, што ќе има влијание на заладување на пазарот на недвижнини, со оглед на движењето на каматните хипотекарни стапки, кои и до сега значајно се зголемија во последните неколку месеци“, рече економистот Роберт Гарднер.
.webp){kind=icon}
Во моментов нема коментари за веста. Биди прв да коментира...